لين الرضــــــــا

[علي الخزمري]

لين الرضا يامايـس القـد بعطيـك= وحدك ولاغيـرك عطيتـه خفوقـي

يا اول غرامي خافقي حيـل مغليـك=حبك سرى فيني وعطّـر عروقـي

انت الحياة وغالـي العمـر يفديـك=وانت الوحيد اللي حبيبـي وذوقـي

فيك الجمال وصادق الحسن يكسيـك=بدر(ن) على كل الكواكـب يفوقـي

الله لو تـدري ليـا حـلّ طاريـك=وش في عيوني من هيامي وشوقي

ياروح روحي خاطر الصب يرجيـك=يرجيك لغيـوم المواصـل تسوقـي

اقبل عليّ وشوف وشلون برضيـك=وشلون قلبي فـي غرامـك يلوقـي

ماهو غريب ان طحت انا بين اياديك=دامي على رجواك وله(ن) شفوقـي

[لمسة حنان]

علي الخزمري ........

اشعارك روووووعه .......... واحلى مافيها عذوبتها

دمت لنا.........

[بنت السحاب]

الله .... الله عليك يا علي الخزمري ..
انت بصراحة مبدع وكلماتك كلها نابعة بالوفاء المشاغر الصادقة والإحساس المرهف .
تقبل فائق إحترامي .

[علي الخزمري]

ازدان الموضوع بمرور رقيقات الاحساس في هذا المنتدى

لختي لمسه لك الشكر والود على مشاعرك

اختي بنت السحاب تواصلك وسام شرف لي من منتدى الى آخر

تحياتي

[أبو نواف النماصي]

جميل هذا النزف الشعوري المتدفق من قريحة شاعرنا الرائع

الأستاذ/علي الخزمري
أبوساري


صح لسانك مليون مررررررررررررة

وأتحفنا بالمزيد فأنا على يقين تام بأن لديكم الكثير والكثير ياسيدي


أخوك .................النماصي

[علي الخزمري]

وهل انا الا تلميذ في مدرستك ايها النماصي


اشكرك من الاعماق اخي ناصر والله يديم المحبه


تحياتي