فتى عليان
11-02-03, 08:13 PM
اساتذتي / اعضاء منتدى العمده
هذه اولى مشاركاتي معكم في المنتدى الشعبي او النبطي
لا تقروا القصيده كامله .....فقط يكفيني من كل عضو قراءة شطر واحد من بيت واحد
لكم مني محاولة كتابة الجميل المفيد ..... ولي منكم سعة الصدر
شريان المحبه
الزمان اللي جعلني بين خلق الله مسبه= قامت ايامه تناور ني ولا ادري وش وراها
قالو انه خوف وانه ضعف نيراني تشبه= يوم شافوني مشتت والدموع اقبل عزاها
العيون اللي تناظر كن راعيها مشبه= واللسان اللي تسولف بي تقول على عماها
عاذلي خله يموت بحرته قبل يتنبه= قبل يدري ان الحبيبه سافرت والله معاها
وان دمعي دمع عاشق ما قوى فرق الاحبه= شامخ (ن) مرفوع راسه والعيون تهل ماها
في امان الله ياغلي من غمر قلبي بحبه= في امان الله ياحلا من تملكني غلاها
في مرابيع الحنايا بيتها ما حد(ن) يطبه= ماسكن قلبي سواها من بياصل مستواها
ان حكت فاح العبير وكن به ريح(ن) تهبه= داعب الكادي وراح الورد ياخذ من شذاها
هي هواي وهي حياتي هي سبب جرحي وطبه= كلمة(ن) منها لروحي كنها صبت دواها
تامر وتنهي اوامرها حلا ل ومستحبه= صرت كلي رهن اشارتها عسى عمري فداها
ما دريت ان الغلا في داخل اعماقي تصبه= احسب اني بارضها واثري معلق في سماها
سافرت عني دواء جرحي وشريان المحبه= سافرت ربي يخليها ويسعد لي مساها
حتى قلبي ماتحمل قام ينبض حبه حبه= تاه ربعه راح نصفه ضاع كله في هواها
قلت ياقلبي علامك قال احبه ثم احبه= والمحبه (يافتى) تاجي كذا والابلاها
مع محبتي
فتى عليان
هذه اولى مشاركاتي معكم في المنتدى الشعبي او النبطي
لا تقروا القصيده كامله .....فقط يكفيني من كل عضو قراءة شطر واحد من بيت واحد
لكم مني محاولة كتابة الجميل المفيد ..... ولي منكم سعة الصدر
شريان المحبه
الزمان اللي جعلني بين خلق الله مسبه= قامت ايامه تناور ني ولا ادري وش وراها
قالو انه خوف وانه ضعف نيراني تشبه= يوم شافوني مشتت والدموع اقبل عزاها
العيون اللي تناظر كن راعيها مشبه= واللسان اللي تسولف بي تقول على عماها
عاذلي خله يموت بحرته قبل يتنبه= قبل يدري ان الحبيبه سافرت والله معاها
وان دمعي دمع عاشق ما قوى فرق الاحبه= شامخ (ن) مرفوع راسه والعيون تهل ماها
في امان الله ياغلي من غمر قلبي بحبه= في امان الله ياحلا من تملكني غلاها
في مرابيع الحنايا بيتها ما حد(ن) يطبه= ماسكن قلبي سواها من بياصل مستواها
ان حكت فاح العبير وكن به ريح(ن) تهبه= داعب الكادي وراح الورد ياخذ من شذاها
هي هواي وهي حياتي هي سبب جرحي وطبه= كلمة(ن) منها لروحي كنها صبت دواها
تامر وتنهي اوامرها حلا ل ومستحبه= صرت كلي رهن اشارتها عسى عمري فداها
ما دريت ان الغلا في داخل اعماقي تصبه= احسب اني بارضها واثري معلق في سماها
سافرت عني دواء جرحي وشريان المحبه= سافرت ربي يخليها ويسعد لي مساها
حتى قلبي ماتحمل قام ينبض حبه حبه= تاه ربعه راح نصفه ضاع كله في هواها
قلت ياقلبي علامك قال احبه ثم احبه= والمحبه (يافتى) تاجي كذا والابلاها
مع محبتي
فتى عليان