افـــــتــــح والــــــــمــــــح

[عوضه عثمان (الرحال)]

بسم الله الرحمن الرحيم

هذه القصيده هي إحدى محاولاتي الشعريه
واتمنى ممن لديه نقد او ملاحضه فليتفضل وكلي صدر رحب لتقبل نقده لانني لست في منزلة شااااعر ولكنني ومثل مايقولووون (عليمي )ومـــــــــــــــــنــــــــــكــــــــم نــــــســـــــــتــــفــــيــــد



(( المحــــروم ))

وش حيلتي محروم حتى من الناس
لامن عرفت انسان غابت طواريه

لايالقدر لا تفتكر مالي احساس
لاتفتكر اني على القلب مابيه

والله رغم الي جرا لي من الناس
اني احب القلب بالحيل واغليه

من طبعي اني ما اوافق على الياس
لو القدر عاتي فلا بد اجاريه

لو القدر خذ مابقالي من الناس
الصبر ربي هو بحسنه يجازيه

لو القدر يهدم بنايه من الساس
لازم اعود بمايل الحظ وابنيه

خذ يالقدر مرجان لولو مع ماس
خذ خافقي بالوقت لو كنت تبغيه

خذ مابقالي ومابقالي سوى ياس
ودمعس يبين فوق خدي مواريه

خذ روح فيها هم واحزون واتعاس
خذ الفرح مني بشتى معانيه

واتركلي القلب الذي صابه الياس
لعلي اخفف عن القلب وارضيه

يمكن ارجع له قليل م الاحساس
يمكن اخلي الهم ماعاد يطريه

وان كان تبغى قلبٍ همومه بلا قياس
جعله فداك ان كان تبغى تنسيه

في دنيتي كم به قدر يعشق الناس
هو واحدٍ لازم احبه واغليه

اللي يبيه اعطيه لو كان الانفاس
اعطيه روحي لو تعزه وترضيه

ذا مايهم ماعاد بي شي حساس
ياكود بي حبٍ من اعوام مابيه

اللي يهم العزه ورفعة الراس
اللي ابيه العز لازم اخاويه

كرامتي ماتقبل انذل وانداس
كرامتي هي عشقي اللي اداريه

كرامتي ماتقبل انذل وانداس
هي مابقالي في حياتي اواسيه

[عوضه عثمان (الرحال)]

كرامتي هي راس مالي مع الناس
هي مابقالي في حياتي اواسيه


تعديل البيت الاخير

[أبو نواف النماصي]

أخي الشاعر / الرحال

أحييك على هذا الإبداع الجميل الصافي من قريحتكم الرائعة

لدي نقطة بسيطة فقط وهي :

تكرار القاف (الياس) و(الناس)في الشد(الشطر)

هذا مافي علمي المتواضع

ولك فائق احترامي وإعجابي

[عوضه عثمان (الرحال)]

بسم الله الرحمن الرحيم

اشكرك اخي ابو نوااف على مرورك واطلاعك
واعدك بان اضع ملاحضتك نصب عيني في مشاركاتي القادمه أو بالاحرى ( محاولاتي القادمه )

اشكرك اخي ابو نواف مره اخرى
تــــحــــيــــــاتــــي

[فهد الغانمي]

الله لا يهينك ويعطيك العافيه اخوي الرحال
هذي البدايه
وتبشر بالخير
وجديدك عجل به
ولك التحيح من
فهد الغانمي