قصيدة لشاعرنا المتمكن / أبوعامر المحبي!!!

[أبو نواف النماصي]

هذه قصيدة قد وعدت بها الأخ / محمد السوطاني
وهي قصيدة ( مسيرة ) للشاعر / أبوعامر المحبي




أماأنا قابلت لى ذيب ٍهزيـل ويعتـوى مالجـوع
حالته يرثى لها بالكود يمشى بالخطى مـن جوعـه
والهزاله والتعب والضعـف فـى سرحـان باينـه
قلت هيـل الله عليـك ولا معـى بنـدق ولاجنبيـه
وإلاكان اليـوم يومـك لااقتلـك يالخايـن النهـاب
التفت لفتة حزين وسالـت ادموعـه علـى خدينـه
قال ياصبـرى علـى ظلـم ابنـى ادم والمحاربـه
قلت لاتحتال فيك الغدر ياسرحانـ شـي مطبـوع
ياعـدو البـدو والميـلان والرعيـان والجـلابـه
الله ياكـم مـن سمينـه فـى لاشاعيـب انتهبتهـا
اعرفك غدار ياسرحـان دور غيـر هـذا الحيلـه
العصا بيدى ولو حاولـت تهـرب فالحصـى تلقـاه
قال خاف الله انا مظلوم من مثلـك ومـن شـرواك
اينما امضى يالمحبي فى طريقـى والتهـم تلقانـى
من زمن يوسف الى ذا لحين والبهتـان لـى منشـور
خافوا الله يابشر ماخذت غير اللى كتب لـى ربـي
مرزقى من عند رب الكون غير النـاس مايـدرون
لكن انتم يابشر تشـرون جلـب المـال وتربونـه
والسمينـه والهزيلـه فـى المـنـادى تذبحونـهـا
ماسلم من بطشكم صيـد البحـر والبـر والفضـاء
والجمـال المنيبـه وابقـار هولنـدا ونيوزيلـنـدا
والارانـب وآطيـور البـط والسمـان والضـبـان
يابشر حتى الثعالب عـذرت مـن وجبـة الدجـاج
الثعلب في هالزمن يشكى على الله ذا احرمه من صيده
انتم اسبـاب التعاسـه والشقـاوه للحيـاه والكـون
طبعكم فيـه الانانيـه وحـب البهرجـه والسلطـه
والتجبـر والتكبـر والخيـانـه مــن صفاتـكـم
يالمحبى لد عينك صوب ظلم النـاس ضـد النـاس
رد شوفك واعتبر وارجوك تكفى سيبنى فـى حالـى
ويش تجنى يالمحبـى مـن مكاسـب لـو قتلتنـي
قلت والله انك صدقت وقلت كلمت حـق ياسرحـان
تدرى الله يحفظك غادر وبالتوفيـق فـى حفـظ الله
والعهـد بالله والميثـاق لاتـوذي ولا انـا اوذيـك
والله العالـم مـن اللـى يلتـزم بامـرالمعـاهـده
والله العالـم مـن اللـى يلتـزم بامـر المعـاهـده

[صالح الكناني]

الله يابو نواف الطيب دايم مايجي منه الا طيب
والقصيده فعلاً طيبه وانت والشاعر اطيب من الجميع
اخوك صالح الكناني

[عطيه بن عقدان]

اقتباس من الكاتب صالح الكناني
الله يابو نواف الطيب دايم مايجي منه الا طيب
والقصيده فعلاً طيبه وانت والشاعر اطيب من الجميع
اخوك ابو فارس

[عبدالله غرم الله الطفيلي]

سلمت ياابو نواف
ومشكور على ايراد هذي القصيده لشاعر المحبي



تحياتي

[المحبي]

عزيزي ابو نواف الف الف شكر لك يا لغالي على ايراد هذه القصيده واحتفاظك بها دليل على وفاءك للمحبي تقبل فائق الاحترام 0

[أبو نواف النماصي]

الأفاضل الأخوان الأحباء

صالح الكناني

أبوريان وفارس(12)

أبوغرم الله


مروركم يسعدني وأبوعامر له العديد والعديد من الإبداعات لا نعذره أبدا

من طرحها هاهنا ........وإن كان أخوك أبونواف وفي فقد اكتسب الوفاء

من صحبتك التي يعتبرها وسام شرف من الدرجة الممتازة

[عابر سبيل]

شكراً لك يامشرفنا الغالي

والمحبي شاعر كبير

تقبل تحياتي