من قصائد السامر

[الناي الحزين]

ارى ان يكون هذا المووووضوووووووووع خاص بقصائد الشاعر السامر واي قصيدة يتم نشرها بالمنتدى للسامر يتم أقتباسها واضافتها الى هذا الموووضووووع لكي تكون مرجع لمحبي السامر



ولك تحياااتي

[الناي الحزين]

اقتباس من الكاتب فواز بن حوقان

علم الجهال ما تجهل علينا"=" حكمنا بالشرع ما نحكم بغيره
ربنا اللي كلنا له ساجدينا"="وتابعينٍ .سنة محمد بشيره
وآمر بطاعة امام المسلمينا"=" طاعة الله عزنا فرد وعشيره
ومن يشذ يسار عن درب اليمينا"=" عاصيٍ علام ما تخفي السريه
امرنا من فضل ربي في يدينا"=" بالعدالة والعدل نهج المسيره
مقضب كفوف الرجال الصالحينا"=" بالقيادة والزعامه والبصيره
وشعبنا في كل حال مجمعينا"=" بالولا في ضل حكام الجزيره
ما ينسينا الخطا طول السنينا "=" من ظلمنا ما لقا دارٍ تجيره
نقطعه قطع الوريد من الوتينا "=" من خرج عن ملته حل اتعزيره
ناصله مابين شكه واليقينا"=" يوم شكه حايلٍ من دون خيره
ومن نوى تعكير صفو الامنينا"=" ناخذ اللي ما تنّذر من نذيره
من شرب من حلو مانا اللي معينا "=" علموه اليوم لا ينسى البريره



سمو الامير عبدالعزيز بن سعود آل سعود(الســـــامر)

[الناي الحزين]

اقتباس من الكاتب فواز بن حوقان

أكرم الهم همٍ فيه ثورة وله = وانتظارٍ على جمر المواعيد ذاب
ان حكينا زعل من لانطيق زعله = وان سكتنا نسانا وأستمر العذاب
كل ما قلت عن سر الغلا بسأله = وانفتح باب صك الوقت تسعين باب
كل حي عدو اليوم ما يجهله = في حضور المحبة وش يكون الغياب
كل من جاد جوده من مواقف هله = مايعز الجناب إلا عزيز الجناب
انت طيب وطيبك كايدٍ مدخله = وانت بالوسم مأمور المطر والسحاب
ذات طيبك حجاجك بالوفا منهله = كل ناشد لقا له من وقاره جواب
طفل عذب الأماني بالوصل تكفله = لجل طيبك سجيّه ما تحسّب حساب



سمو الامير عبدالعزيز بن سعود بن محمد آل سعود (السامر )

[الناي الحزين]

اقتباس من الكاتب فواز بن حوقان

من كادنا في دين الاسلام ماكاد = معروف والا طول الأيام مجهول
الله نصر فهد العرب فخر الأمجاد = نصرٍ من الخلاّق للدين مامول
ربٍ رفع سبعٍ بلا سمك وعماد = ومنجي نبيٍ في حشى الحوت منقول
فضح جرايمهم على روس الاشهاد = وكشف خفاها بين سائل ومسئول
جرايمٍ ما يكشف احداثها أرصاد = مدفونةٍ دفنٍ على الكيد مفتول
لكن بفضل اللي له الخلق عباد = وفق حكومتنا قبل داير الحول
وفق ملوك العدل في شعب وبلاد = وجاب الأمن روس الجريمه على طول
منكر حدود الشرع والملح والزاد = مفسد وأثّر له على ناقص عقول
قصده يدمر دين بالمعتقد ساد = موقد فتيل الشر في دار ماهول
قصده يحاول هزة شموخ الأوتاد = وتدمير دار الدين ماهوب معقول
روس الكفر والشرك في أمة الضاد = باب الخطأ منهم على الدين مقفول
من شذ والا عن طريق الهُدى حاد = ماعندنا الا له شبا حد مصقول


سمو الامير عبدالعزيز بن سعود بن محمد آل سعود (السامر)

[الناي الحزين]

اقتباس من الكاتب فواز بن حوقان

تـلـتـفـت لي بالغلا لفتة ظبي = قبل أرد الشوف ذيّر واستدار
ماحلا في قولها لي وش تبي = انتهى أعظم سؤالٍ باختصار
اصدقي والا على الحب أكذبي = في خدودك نور والا جمر نار
يامهاتي ما يحقق مطلبي = غير شوفك بالنهار اللي جهار
واثق بك من تقاليد عربي = بالصحاري من على وضح النهار
أنحر الدله على جمر احطبي = واتلفت في بهاء ذات الوقار
صافي من فضل ربي مشربي = صيدتي من شارد الجل الخيار
ماليٍ من كل مجدٍ مقضبي = من مواكر روس قطاع الحرار



سمو الامير عبدالعزيز بن سعود بن محمد آل سعود (السامر)

[الناي الحزين]

اقتباس من الكاتب فواز بن حوقان

بهجة الدنيا وزخرفها يزول = إفهموا ياهل الدرايه والعقول
وحيلة المظطر للأمر الأمر = منتهاها كان تقصر أو تطول
وغير وجه الرب فاليوم العظيم = ماتواجه غير طيبة الفعول
أغنموا فرصات بهجات العمر = قبل يومٍ ما تخيّر بالحلول
ولا تحسف وأنت لك فعلٍ جميل = يقبله رب الملا يوم القبول
لاتناظر غير وجه الله ولا = تنقفل في باب بهجتك القفول
الحظيظ اللي على مر الزمان = بين حظه والمعزه ما يحول
وغايته يكظم بها كظم الجمال = وينتبه عن قولة الواشي يقول
ينتبه لورود وقته والصدور = والربيع اللي تقفاه المحول
ويدري إن الله ضمن ثنتين دوم = الحيا والموت حول بعد حول
والليالي بين نقص وبين زود = والغنيمه والغنايم بالفلول
وماتهمة عدوة السبع جهرا = ويتوقع عدوة السبع الختول
ومايطاول راعي الحق المصيب = وبالمهامل يثني عقال الذلول
وكل ما بين العرب سمع الجدال = مايجاري في ردا العقل الخبول
ولو تقوم بوجهه أحداث الزمان = ما تهمه وقعة أيام تهول
والعدو اللي لبس ثوب الصديق = مادرى أنه من نزول في نزول
من ربا في دار ما يرعى غلاه = في حمانا لايصول ولا يجول
عام الأول شافوا الناس العجب = عقب ما سيطر على الخلق الذهول
والعميل اللي معك والا عليك = يسبر الغره على حسب الميول
يسبر الغرات في حال وحال = مخلفٍ كل الطرايق والوصول
دارنا بالشرع ودروس الضحى = شرعت كل المناهج والفصول


سمو الامير عبدالعزيز بن سعود بن محمدآل سعود(السامر)

[الناي الحزين]

اقتباس من الكاتب فواز بن حوقان

عذي وصف ٍ مايوصف على شي"="طلعة قمر خمسة عشر فيض زينه

كـمّـل وقار الزين منطوقه الحي"="يصغر وتكبر بالخلايق سنينه

على الورود الناعمه يكسر الفي"="يو أطرقت برموشها السود عينه

يدخل عليك الشك في مصدر الضي"="ولاتحلف انه ظهر من جبينه

طاغي شباب ٍ زاف زينه من الغي"="=ثم إقسمه من بين عينه وبينه

وخصر ٍ على ترويقة العافيه عي"="يمكن عليه إنها تلاقا يدينه



سمو الامير عبدالعزيز بن سعود بن محمد آل سعود (السامر)

[الناي الحزين]

اقتباس من الكاتب ريـــــــــــم

ودع هـواي و جـدد الـهجر بفراق
أول غـرامك بـالهوى مـثل تـاليه
أحـسبك مـثلي في دجى الليل تشتاق
و اثـرك تـعلمفي هـوى نفسك التيه
حسبك تعبث في غصن خضر الأوراق
أغـرى الـنسيم و تاه من قبل يغريه
يـوم الـحشا مـثمر لك ورد الأشواق
تـسقيه مـن ماء الياس صد و ترويه
و تحسب هواي من الهوى بعد ما فاق
و عـاصي ملائكة الهوى كيف تهديه
و أرقـى بـعيني من على متن الآفاق
و ألـقاك كـوكب داجـي الـعتم فيه

[الناي الحزين]

اقتباس من الكاتب محمد بن حوقان

قصيدة اقل ما يقال عنها انها رائعة
للامير الشاعر عبدالعزيز بن سعود (السامر)
ذات مناسبة غاليه على قلوب المسلمين في شتى انحاء الارض
شكرا لابداعة وتألقه ونهر عطاءه المتدفق


عوايد المسلم
بعض العرب يمشي على بحر الأوهام "=" يرقد نهاره وأخر الليل غاير
والي تنبه من مقامه والي قام "=" يفرق الأوراق في كل عاير
المشكلة ماهي تحت رؤوس الأقلام "=" المشكلة مما تكّن الضما ير
لا والذي عن كل الأسرار علام "=" لو جازت الرحمة على أم الكباير
يا مفطر بالصوم والناس صيّام "=" راحت حياتك بين نقص وخسا ير
انهض ترى ما طاب للعبد ما دام "=" تعمى العيون ولا تتيه البصا ير
احذر تلدّ خلاف والدرب قدام "=" واعبر طريق مثوّرين الذخاير
عوا يد المسلم غيورا للإسلام "=" وجميع دين غير الإسلام باير
وبالك تدور بنت قطاع الأرحام "=" يصبح ولدها لك قريب حضا ير
همّاز بين الناس واشي ونمام "=" ودمه لو انه داخل الثلج فاير
وان كان في راسك مطاريد وعرام "=" عظمٍ سليم ولا لفايز جبا ير
يا جاهل بالوقت والوقت حوّام "=" لا بد للجاهل تدور الدواير
دنياك ما دامت لعباس ودهام "=" ولا جت لبو زيد الهلالي براير
والجاهل اللي غرته حمر الأنعام "=" ما يدري بما قدر الله صاير
من حج بيت الله ملزوم بأحرام"=" وطيب الحزام ولا خيوط المراير
ترى الجهل لبيوت الاجواد هدام"=" والعلم نور وفيه خير البشاير
خلك على البتعة جزوهٍ وجزام "="اووط الحنو ش ولا تطب الخباير
كم واحد يمشي على مخ وعظام "=" واليوم مجدوعٍ بوسط الحفاير
عزك بواحد يوم يسوى مية عام"=" وكم فرصة راحت علينا خساير
خذلك بمقدار الشرف درع ووسام "=" ولولا جناح الطير ما شيف طاير
تبي العلا ففتق له دروب وأكمام "=" واعبر على الدنيا بحور وجزا ير
جرب جنوب وجرب الشرق والشام "=" ما فارس الا فوقه العج ثاير
اما ركز بالعز له خمسه أعلام "=" والا سمحت من النكد والعزاير



تقبل الله من الجميع الصيام والقيام
وكل عام والجميع بصحة وسلامة

[الناي الحزين]

اقتباس من الكاتب أبونواف النماصي
لازال شاعرنا الرائع يغرد مبدعا خارج السرب
هذه القصيدة الرائعة تحكي لنا إبداعا متناهيا صاغه لنا شاعرنا
لكم نهدي هذه القصيدة المختارة



ان ظميت اشرب من اليأس أعذبه = يا وعودٍ مالهـا فرحـة وعيـد
اكتشفت أن اعذب الحب أكذبـه= اكذب أغلى لك ترى حبك يزيـد
ما الحق قلبـي بحبـك مطلبـه = أنت ناسيني وأنا راسـي عنيـد
تعب كفي مالقـي بـك مقضبـه= جيت روحٍ مالهـا خـدٍ وجيـد
دورك اللي فـي عذابـي تلعبـه = انتهـى التمثيـل كلـه لا تعيـد
رد قلبـي بالهـوي لا تنهـبـه= خل باقي الـدم يدمـع بالوريـد
الـوداد اللـي بحبـي تكسـبـه= انتهى والصبـر لا يمكـن يفيـد
كل شعرٍ فيك مـن قلـب اكتبـه= ما يساوي بالجفا بيـت القصيـد

[الناي الحزين]

اقتباس من الكاتب أبونواف النماصي

في سفر حبك على رجلي مشيت
الزهاب الشوق والرغبـة لـذا


ما قويت أصبر ولا والله هقيـت
إن حبـك فاتـكٍ فينـي كــذا


قلت أبسلا عنك لكن ما سليـت
ما ملا عيـن الرضـا هـذا وذا


أنت تدري بس أنا توي دريـت
يهتني بـك من هـو لقلبـك خـذا


برنـي ربـي مبـرة وابتليـت
في هواكم وهب لي عبق الشـذا

[الناي الحزين]

اقتباس من الكاتب أبونواف النماصي

يا طير كأنك يـوم صديـت صايـد =تراي سامح وأنت يا طير مسمـوح
غلاك عنـدي لـو تنكـرت زايـد = قرب وغلا بالغـلا تبعـد الشـوح
اللـي تنكـر باللـيـال الشـدايـد=وقت الرخا ما من مصافاه مصلوح
للطيـر طبـع ولـلأوادم عـوايـد =وكلٍ على طبعه له البـاب مفتـوح
إمـا غـدا ولا بقـى لـه شرايـد = وإلا يجى ما جاه بالدرب سامـوح
بعض الطيور أنكر ولا مـن بعايـد =على الحمامة غيبة الشمس مطروح
ترى الوفا والطيب والفعـل كايـد =ما هي على الفرغة سواليف ومزوح
وأنـا بحيـل الله صـدوق الوعايـد=أصبر ولو قلبي معـذب ومجـروح
لـو رأس مـال امدوريـن الفوايـد =بقي لهم ما صار ناصح ومنصـوح
وإللي بخيصٍ فـي معـاني القصايـد =لازم يعرف القصة اللي لهـا روح

[حنـش]

حقيقه انا اكتب هذا الرد
قبل مااقرا هذي القصايد
لاني اريد ان اقطع الاتصال واتمتع بقرائة قصايد
الشاعر السامر
لكن اقول الله يعطيكم العافيه يامحبين وناقلين هذي القصايد
صراحه انكم قربتوا الينا الشعر في بيوتنا
وليس اي شعر
انما هو شعر الشاعر الكبير السامر
ونحن نتابعكم واعذرونا عن التقصير في نقل قصايده اليكم
لكن ابشروا بالخير

[أبو نواف النماصي]

أخي الغالي المحبوب
حنش
تسلم على كلماتك الطيبة
ومانستغني أبدا ياسيدي ونحن في مركاز السامر منك وبك
فلاتحرمنا من مشاركاتك ياأخي

وأي شيء تبيه أطلب وحنا حاضرين للطيبين(6)