بنت السحاب
10-17-03, 07:34 PM
(( يا بنت ما عندنا قانون فرض المساوات ))
يا خالق الكون يا جامع جميع الصفات
يا عالم الغيب يا منزل حروف الكتاب
تغضب على دار من يهضم حقوق البنات
وأنك تنزل عليهم من أشد العذاب
ناساً يرون البنات ما كنهن مسلمات
ما كن خلاقهم ربي خالق كل داب
جيت أشتكي للمعلم وأظهر البينات
الحق يرضي ويقنع كلاً عقلاً لباب
قالوا عسى خير وش عندك ترى الوقت فات
ما عندنا وقت نتصفح حروف الخطاب
ما لك علينا حقوق ولا لك المنصفات
بنت(ن) غريبة ولا لك في القبيلة حساب
قاضي المهمات في رحلة وقاضي العدل مات
وأنت غريبة ولا لك بالقبيلة انتساب
واللي غريبة علينا ما لها لا زمات
ولا لها عندنا للحق درباً وباب
بنت(ن) غريبة ولا يشملك حق الرعيات
روحي بدربك وكبي عنك درب النشاب
وأنتن لكم عندنا قانون يا الأجنبيات
قانونكم دوم قدر البنت تحت التراب
يا بنت ما عندنا قانون فرض المسا وات
قانونا ضد من يفرض علينا الصواب
هذا ولد عم والثاني من الأنساب
وهذا ولد خال ما يسوى علينا العتاب
وهذا ملصحاب فكينا من الشرهات
هرجك غربياً وأفعالك عجاب العجاب
لو قلت كلمات فيهم يا شمات الشمات
ما قول كلمة عليهم لجل بنت السحاب
ما كان هذا العشم يا مدعين العدالات
سيف العدالة هجر غمده وباع النصاب
يا خالق الكون يا جامع جميع الصفات
يا عالم الغيب يا منزل حروف الكتاب
تغضب على دار من يهضم حقوق البنات
وأنك تنزل عليهم من أشد العذاب
ناساً يرون البنات ما كنهن مسلمات
ما كن خلاقهم ربي خالق كل داب
جيت أشتكي للمعلم وأظهر البينات
الحق يرضي ويقنع كلاً عقلاً لباب
قالوا عسى خير وش عندك ترى الوقت فات
ما عندنا وقت نتصفح حروف الخطاب
ما لك علينا حقوق ولا لك المنصفات
بنت(ن) غريبة ولا لك في القبيلة حساب
قاضي المهمات في رحلة وقاضي العدل مات
وأنت غريبة ولا لك بالقبيلة انتساب
واللي غريبة علينا ما لها لا زمات
ولا لها عندنا للحق درباً وباب
بنت(ن) غريبة ولا يشملك حق الرعيات
روحي بدربك وكبي عنك درب النشاب
وأنتن لكم عندنا قانون يا الأجنبيات
قانونكم دوم قدر البنت تحت التراب
يا بنت ما عندنا قانون فرض المسا وات
قانونا ضد من يفرض علينا الصواب
هذا ولد عم والثاني من الأنساب
وهذا ولد خال ما يسوى علينا العتاب
وهذا ملصحاب فكينا من الشرهات
هرجك غربياً وأفعالك عجاب العجاب
لو قلت كلمات فيهم يا شمات الشمات
ما قول كلمة عليهم لجل بنت السحاب
ما كان هذا العشم يا مدعين العدالات
سيف العدالة هجر غمده وباع النصاب