مستور المالكي يتجه الى المنصه

[ابراهيم الشيخي]

مرحبا هيل عد السيل يامستور=من هجوس تشوقني معانيها
قالوا ان الليالي فوق قرن الثور=ادعي الله يكفينا بلاويها

[مستور المالكي]

ارررحب اررحب يابو محمد


ابرك الساعات اللى شفناك







البقا يامرحب خيركم مكثور = عشرة بيننا ماني بناسيها

اخر العهد بك من قبل خمس شهور = اشغلتك المحافل في غناويها

[ابراهيم الشيخي]

ارحب يامستور







شفت لي نجمة منها يضيح النور =يحصل الخير كله في مباديها

رصدوها هواة سهيل والديجور=ماهو انت الوحيد اللي يباريها

[مستور المالكي]

كل سلعة قديمة علة في الزور = كان عندي ( كورلا ) عفت طاريها

بعد وقفت بنا في شارع المنصور = طابت النفس بعناها بما فيها

[ابراهيم الشيخي]

مادام انك غنيّ ولانته بمعسور=لاتبيع المواتر قبل تشريها(13)

اعتبرها قضيّه ياشهود الزور=وجزاكم دبل ماني معدّيها

[مستور المالكي]

ابو محمد


استلم ولا تسرّع ( على قول عيضه)


يا طويل العمر في الارض سبع ابحور = وانا وياك تهنا عن موانيها

رحت انا للكويت ورحت يمة صور = ادعي الله تجمعنا شواطيها

[ابراهيم الشيخي]

سبعه بحور والمعنى لها بابور=نعرف بحورها نعرف سواعيها

المدائن تولف جمعها المكبور=الله اعلم عن سواة تسويها

[مستور المالكي]

علتي ما كشفها مجهر الدكتور = ذي جروح الهوى محدن يداويها

نجمة شافها ابراهيم بالناظور = مثل وجه الهنوف اللى يجاريها

[حمد الدحابيب]

الله الله الله الله

أبداع وربي

خفوا اللعب ياأساتذة

[ابراهيم الشيخي]

ان بعيت انصحك خل الخبر مستور=خلها بالرموز ولاتسميها

وعدنا ياطويل العمر راس الدور=كل روح(ن)نبي نعرف مساعيها

[ابراهيم الشيخي]

هلا وغلا ياحمد






اللعب أوفرات ياخوك هههههههههههههههههههههه

[مستور المالكي]

لو بغينا نغلفها عن الجمهور=زعلو الناس وازرينا نراضيها

اعدل الصف يابراهيم وامسك دور=قبلك أمه تبي الوالي يكافيها

[مستور المالكي]

ارحب ياو جابر تراحيب المطر


مرورك يشرفنا


والحقيقة عندك حق ابراهيم يلعب عن طريق الاجنحه ومشغل الظهيرين

[أبو نواف النماصي]

الله أكبر

المبدعان الشاعران

إبراهيم الشيخي ومستور المالكي

رائع ماتقدمانه من إبداع واصلا أيها الجزلان

أخوكما / النماصي

[ابراهيم الشيخي]

ارحب يابو نواف النماصي






لاهنت على تواجدك








..........................................



الغالي/مستور المالكي



صح الله لسانك وبيض الله وجهك





نلتقي في محاورات اخرى باذن الله

[ابو]

ابراهيم الشيخي ومستور المالكي

محاورة جميلة تشكران عليها ولكن أبراهيم مايبي العلم يدري به أحد.... وانت يامستور تبي العلوم تكون مكشوفة...

بصراحة مستور ماعندك مراعاه لشعور أبو خليل.

ابوسامي

[الولهااااان]

الشاعر مستور والشاعر ابراهيم


بيض الله وجيهكم

[عبدالله المالكي]

صحت السنتكم يا شعار
وبيض الله وجيهكم

[الدكتورابورازي]

يالله يابراهيم

سحبه ولا تبقي منه الامشاش


انا فداك ...........

[فهد سعـ9د]

ماشاء الله يابورازي
صرت دكتور؟؟؟!
ليتك غيرت الهندام مع المرتبة الجديدة...ومبرووووووووك وعقبال بروفيسور

[الدكتورابورازي]

الله يبارك فيك

وبرفيسور مره وحده......

لادخيلك الى هنيه ....................لاني قهرت فيها