ياغرامي المستحيل

[ابو امل]

ياشقاي وراحتي... ياهناي وياعذابي
يادموعي وبسمتي...آه يافرحة شبابي

أيه أحبك ما عليه من أحد
قلبي الوافي لحبك ماجحد
أخلص بحبك الين أسكن لحد
حبك اللي فيه قلبي والمشاعر تتحد



أنتي أحساسي وشوقي... أنتي حبري في كتابي
ساكنه داخل خفوقي...كاس حبك هو شرابي

أسمى أنواع الغرام
أحلى كلمات الهيام
ما بها زيف وملام
لك لوحدك هالكلام


أنتي ياكل الغلا...أنتي ياحب سطابي
أنتي ياريم الفلا...منك كل اللي جرابي

منك شعري والسهر
ومنك حبري كالنهر
ولك حياتي والدهر
وكل عمري لك مهر


معك ياحلو الحياه...كلها برق وسحابي
وفي بعادك آه آه...كلها الدنيا سرابي

أسكني بين الضلوع
وأشعلي نارآ تلوع
ما تطفيها الدموع
وتزودها سطوع


لا يهمك لو أصيح...أو أبين لك عتابي
أو تشوفيني جريح...لازم أن آخذ عقابي

ما فيه حب بلا عذاب
ومافيه عشق بلا عتاب
ومافيه مغرم الا ذاب
من عذابه ولا من طول الغياب


دايم العاشق سجين...دايم بجرحه مصابي
يحمل آهات وأنين... ويفقد دروب الصوابي

أيه زيديني جروح
وأنا أزيد أوراقي بوح
ويسمحك قلبآ سموح
مهما أتعذب وأنوح


دام أحبك لازم أهوى...جرحك اللي قد نمابي
ومستحيل أقول مقوى...لو تزيدين الشقابي

ياغرامي المستحيل
مالكه كل شئ جميل
حتى تعذيبك عليل
وما أبي غيرك بديل


أنتي أحساس الفؤاد...تعرفي مالي ومابي
ولك غرامي والوداد...وكل سيئآ قد بقابي

أعشقك وأهوى غرامك
وأذني تشتاق لكلامك
وقلبي يشتاق لسلامك
وعيني هيمانه بمقامك



ابو امل/ منير المالكي