محاورة ....أقرب شاعر يجي

[ملك القصيد]

صراحة ودي أحرك القسم شوية.

وإن شاء نلقى إستحسانكم وتجدون المتعة معي ومع الشاعر

اللي بيجي .

الفتل:

ياسلامي سلام اسلام سنه سليم***ساير(ن) حسب سير الناس وسلومها


ردة(ن)وافية للنخبة اللي تقيم***صرح شامخ يفيد الناس بعمومها

[مقدام]

صح لسانك يا ملك القصيد

وبكل الحب والتقدير وعظيم الاحترام أقول لكم حفظكم الله

وألف مليون شكر على هذا التواجد والتواصل

الأكثر من رائع

نتمنى من الشعراء الكرام التواجد هنا لــــــــــــــــرد

وإثراء هذا القسم كما قال أخونا الغالي ملك القصيد

[علي بن عائد]

هد نفسك وقلل -م - الغضب ياحليم == واعذر النخبه اللي دايم اتلومها
ماني في منتدى النخبة يا اخونا مقيم == حتى تسمع ردود البدع من يومها

[ملك القصيد]

استلم يابن علي:
مايرد الكريم إلا الحسود اللئيم**سلعتي ياعلي ماقلتلك سومها
ا
بنجلادش ترشح للرياسه حريم**والرياجيل فيهاطاحت سهومها

[علي بن عائد]

سلعتك وش علامتها يااخونا الفهيم == خذ نصيحه وصرفها بمقسومها
بنقلادش جراد وينطبخ في حميم == والبلى في مبادئها ومفهو مها

[بنت الجنوب]

أرض ما لك بها ياخي بها لا تهيم ....لا تقرب من النجمة ومنظومــها
راجع اللي صدر والعلم فوقه عليم ...صوم وقت النهار وليلتك قومــها

وسلامتكم .. هي مجاراة بسيطة قد لا ترقى لمستوى ذوائفكم مع التحية ..


مع التحية لأخي ملك القصيد على هذا الإثراء ..

[ملك القصيد]

استلم يابن عائد:

كان عهدي بها خضر _أصبحت كالصريم***قلي أصحابك الأقصين وش قومها


أنت شاعر حكيم ومعك عقل(ن)حكيم *** واكثر الناس ماندري عن علومهها

[ملك القصيد]

أرض ما لك بها ياخي بها لا تهيم ....لا تقرب من النجمة ومنظومــها
راجع اللي صدر والعلم فوقه عليم ...صوم وقت النهار وليلتك قومــها

وسلامتكم .. هي مجاراة بسيطة قد لا ترقى لمستوى ذوائفكم مع التحية ..


مع التحية لأخي ملك القصيد على هذا الإثراء ..


شكرا على مرورك يابنت الجنوب

وشكرا على هذه الأبيات الرائعة

وهذا لن يخلص علي مني فأنا أنتظره من زمان

[علي بن عائد]

انت في قم درست العلم والا القصيم == لك جماعه تشوفك شيخ في نومها
للمشاكل حلول وللسياسه زعيم == فرق ما بين منقذها ومشؤ ومها

[ملك القصيد]

استلم:
ياعلي دارس الحسبه بروضة خريم***وادري بحاكم الحجة ومحكومها

ياعلي فوق راسك شفت لمات غيم***وانتبه للسما لاكثرت اغيومها

[علي بن عائد]

حجتك والسلاح اللي تشيله قديم == ادفنه في تلال خريم وعقومها
فوق راسي عقالي وانت فكرك عقيم == وشهآدتك عندي سلًم ارسومها

[عبدالله المالكي]

صحت السنتكم يا شعار

ابداع من الاخوان

تحياتي

[ملك القصيد]

مشكور ياعبدالله على المرور

استلم ياعلي:

شايف أم الكباير ليلها أسود ظليم***تغدر أهل الهدوم وتسرق اهدومها

ياعلي ماتشب النار نفخة شريم**نحمد الله عدانا نفرك خشومها

[عايض العبدلي]

الله الله يا هذا الكلام الخطيييييييير

الحقيقة إن هذي الصفحة ما فيها إلاّ تكسير رووووس ، اعتبرووني مخيّل من بعيد ومتابع إلى النهاية
مع العلم أن هذا المتصفّح جميل جداً لأن البداية من حبيب ألبي ملك القصيد والنهاية ستكون بقفلة الشيش عند أبو عبدالعزيز ، والكسوة تجيك يابن عايد في 7/1 إذا شاء الكريم

[ملك القصيد]

الله الله يا هذا الكلام الخطيييييييير

الحقيقة إن هذي الصفحة ما فيها إلاّ تكسير رووووس ، اعتبرووني مخيّل من بعيد ومتابع إلى النهاية
مع العلم أن هذا المتصفّح جميل جداً لأن البداية من حبيب ألبي ملك القصيد والنهاية ستكون بقفلة الشيش عند أبو عبدالعزيز ، والكسوة تجيك يابن عايد في 7/1 إذا شاء الكريم
حيالله عايض حبيب ألبي
ماتبغى تكسيني ياعايض طيب

ههه
أنا أدورك من حول أسبوع

عسى ماضعت

أشكرك على مرورك

[عايض العبدلي]

حيالله عايض حبيب ألبي
ماتبغى تكسيني ياعايض طيب

ههه

يجيك سمنك على غداك وابشر بالسعد


أنا أدورك من حول أسبوع

عسى ماضعت

أشكرك على مرورك

[علي بن عائد]

وش مقاسك مع نجوم السماء يانجيم == يلعن ام الكبائر تنفث اسمومها

كل شيطان في علم الشريعه رجيم == والجن اشكال خافيها ومعلومها

[ملك القصيد]

استلم/
ياعلي جتك ضربة قاسية في الصميم**سبحتك يازميلي ضاع منضومها

بين شيا جديد وبين شيا قديم**انتبه في مفرقها ومضمومها

[علي بن عائد]

ما بتعرف صراط المله المستقيم == لين نختم على لوحتك ورقومها
كل مبهم يسمى في الفصاحه بهيم== بيش ما اعرف حداديها ولا بومها

[ملك القصيد]

صح لسانك

وأنا سعدت بمحاورتك وكان ودي لونكمل

لكن شابت القافية

لنا لقاءات معك قادمة إنشاء الله

[علي بن عائد]

انا اشكرك على سعة صدرك وحلمك علينا وانامخطي في محاوره ما اعرف الطرف المقابل شخصيا لانه قد يبدر منا كلام يزعله بدون قصد يعني تصادف عيرة الشخص على ماقالو في الديره والخطير اذا كان الشخص يعرفك وانت لا تعرفه ويعرف اللي يزعلك ويزعل جماعتك ويكون ردك متواضع فيقوم عليك جماعتك ويتهمونك بالضعف والسبب شح معلوماتك عن الخصم

[ملك القصيد]

أعذرنا إذا كنا زعلناك

وترى الشعر حلاوته في المحاوره وتجاذب وجهات النظر

أنا بصراحه كنت مستمتع معك
وأنت شاعر جزل وداهية ماشاء الله عليك

[بنت الجنوب]

يعطيكم العافية وعساكم على القوة ..

[ملك القصيد]

يعطيكم العافية وعساكم على القوة ..

مرورك أسعدني

[الفيصل]

يعطيكم العافية الحقيقة أبدعتم يا شعراء

[علي بن عائد]

انا سعدت والله بمحاورة ملك القصيد ومن طيب اصله ارسل لي رساله يظن انني اخذت في خاطري - والله ان الذي مؤثر في نفسي انني لم اتشرف بمعرفته شخصيا فمعرفة الرجال تجاره

[ملك القصيد]

وأنتم من كرام الرجال
ونحن من يتشرف بمعرفتكم

أشكرك على روعة خلقك