شاعر بني ذبيان وش عنده رجع يحذف يسار .. الليل يافهد .. قلطة [الأرشيف]

صقر تهامه

03-06-09, 11:35 PM

شاعر بني ذبيان وش عنده رجع يحذف يسار = ماهوب في فاله ولا خلاّ العرب في فالها
لكنّ ماباصفح عنه لو جاء يريد الآعتذار=وان شاف له ردة فعل يصبر على من قالها

عايض العبدلي

03-06-09, 11:39 PM

يالله مقسوم خير..

لا والله إلاّ جاك الحَوش اللي من جد إذا قالوا حوش ، وينك يا فهد التهامي جاك حامي ظامي
نبغي الليلة محاورة على مستوى وملاسنة يشيب من هولها الولدان واللي يضيق منكم الليلة نقطّع أذانيه :36_1_32v:

فهد الذبياني

03-06-09, 11:40 PM

شاعر بني ذبيان من طبعه يحب الانتصار = كم وقفةً غيره تهيبها شرب فنجالها
ياصقر ياصقر التهم حاجز سريرك في شهار = والناس تالي الوقت يارحمن ترحم حالها

صقر تهامه

03-06-09, 11:41 PM

اهلا وسهلا ياعايض يالله تحييه

عاد انا وفهد مابنضيق ولكن اللي يضيق منكم يالجمهور بنجدع انفه

صقر تهامه

03-06-09, 11:49 PM

انته تبيها حرب تاليها دمارا في دمار = مادام هذا طبعكم صال المشاكل صالها

والله لازيد النار نار وجيب نار وشب نار=ام الكباير عمها ماهوب مثل عيالها

عايض العبدلي

03-06-09, 11:51 PM

اهلا وسهلا ياعايض يالله تحييه

عاد انا وفهد مابنضيق ولكن اللي يضيق منكم يالجمهور بنجدع انفه

ما في مشكلة إذا جدعتم أنوفنا على قولتك قطَّعنا براطمكم :36_1_9:
وفي ظنتي منتم أصمل منَّا معشر الجمهور النخبوي الخطير :36_1_30:

ناصر الحوقان

03-06-09, 11:58 PM

صح لسانك ياابو مسلم

والله لا يهينك يا فهد

متابعين

الله يعطيكم العافية

فهد الذبياني

03-06-09, 11:59 PM

الناس تصعد للعلى والاانت ماغير انحدار = اعوذ بالله من سواليفاً قصار احبالها
برد وسلام ولاتضر وخذ علومي باختصار = النفس ماتلقى جزاها غير حسب اعمالها

ابو رنا

03-07-09, 12:03 AM

صقر و فهد
نريدها .... ناريه
المحاورة السابقه بينكما كانت في قمة الروعه نتمنى هذه إن شاء الله تكون أروع من سابقتها ....وفالكم التوفيق

أخي عايض العبدلي يحفظه الله أختتمت تعليقك بصورة وجه ( إبتسامه ) لا أحبها ولا أطيقها هنا
و كنت أتمنى لو يحذف هذا الوجه من قائمه الإبتسامات
ذلك أنه يعبر عن مظهر من مظاهر العبوديه التي لايجوز صرفها إلا لله سبحانه وتعالى وهو مظهر ( السجود )
وقد يستخدم في كثير من الأحايين في مواقف أو مواطن ’ غير التي يجوز فيها
وهذا باب من أبواب الشرك عظيم نبرأ إلى الله منه .

فهد الذبياني

03-07-09, 12:03 AM

اهلا بالجميع هنا ونعتذر على ازعاجكم محاورة خطافيه بدون احم ولا دستووووووور

صقر تهامه

03-07-09, 12:12 AM

لو كان تبغى العافية جيت الدروب اللي قصار = لكن رماك الحظ بين قصارها وطوالها

يكفيكم اللي صار يالآصحاب واللي صار صار =من بعدها ماعاد باقي حيلة(ن) تحتالها

صقر تهامه

03-07-09, 12:15 AM

حيا الله ابو رنا

وعليك بعايض قدم له النصايح على (طشت) وفكونا من (طبقا من ذهب) .. حرام

فهد الذبياني

03-07-09, 12:19 AM

اللي مسوي الاختبار ازرى يحل الاختبار = واللي يكيلها لخلق الله يبي يكتالها
احيان اقول الشيب ماهو عيب ويزيد الوقار = واحيان اقول الشعره البيضا تطيح اشوى لها

فهد سعـ9د

03-07-09, 12:22 AM

سرى الليل

والصقر التهامي آشوفه ماغير يحوم له اسبوع ...والله يعطينا خيره...

فهد السمي الغالي ..ماعليك خوف والله يوفقكم

فهد الذبياني

03-07-09, 12:26 AM

السمي الغالي فهد سعود شرفتنا بمرورك العطر الله يعطيك العافية وصقر تهامه ياويله وياسواد ليله ازهله

مقدام

03-07-09, 12:29 AM

هلا وحيا الله الجميع

صقر تهامه

03-07-09, 12:39 AM

حيا الله الجميع كلا باسمه

ناصر الحوقان
فهد بن سعود (سمي ابو عبدالعزيز)
مقدام

شرفتم وكلفتم

زرعت لك غصنين وتسابق على جني الثمار = هذي مواقف يافهد مال الغشيم و مالها

خل الوداعة في يدين اللي طويلين العمار=والنار من شبابها والخيل من خيالها

صقر تهامه

03-07-09, 12:40 AM

يالربع ماشفتم لي عايض؟

فهد الذبياني

03-07-09, 12:41 AM

انا كبير ارقى بطبعي والرقي طبع الكبار = والا استطيع آجازي السيه بعشر امثالها
دوبك خرجت من الحصار ابشر بردك للحصار = والسالفه ماغير غمزة عين مايبغا لها

ابو رنا

03-07-09, 12:51 AM

انا كبير ارقى بطبعي والرقـي طبـع الكبـار
والا استطيع آجازي السيه بعشـر امثالهـا
دوبك خرجت من الحصار ابشر بردك للحصار
والسالفه ماغير غمـزة عيـن مايبغـا لهـا

هذه في المقص يافهد .......... رد ياصقر ........أكويه !

صقر تهامه

03-07-09, 01:05 AM

عز الله اني في محلي وانت فيك الدمّ فار = الآوله راحت لكنّ الثانية عقبالها
اعيادكم راس السنة مرة ماهي عدة مرار =لكن جايك ليلة(ن) ماهو يهل هلالها

فهد سعـ9د

03-07-09, 01:17 AM

ياسلام على المحاورة الساخنه

والابيات الجزله من الطرفين والله انكم مبدعين وأنا مسرور منكم وبكم

صقر تهامه

03-07-09, 01:18 AM

تسلم تسلم يافهد

واسعدتنا بتواجدك

فهد الذبياني

03-07-09, 01:28 AM

عز الله انك في محلك جار جورك وانت جار = يعني سواة الشجره اللي مايظل اظلالها
ان عاش راسي تنتظر حتى تمل الانتظار = والحمله اللي جبتها ترجع لها تشتالها

الفرق الوحيد

03-07-09, 01:32 AM

صحت السنتكم

صقر تهامه

03-07-09, 01:35 AM

جيران مافيها كلام ولاعلى الواقع غبار= اعرف بطون الآودية واللي بروس جبالها

انته مسيّر في الحياه اعرفك ماتملك خيار=وضعك مشين وحالتك بين العرب يرثى لها

فهد الذبياني

03-07-09, 01:38 AM

اهل المثل قالوا كلام الليل يمحاه النهار = والنفس ماتدري بسر ايامها وليالها
ودك على ماقالوا آهل مصر نقلبها هزار؟ = والا تخلي قافلتكم بايته باحمالها

ابو رنا

03-07-09, 01:39 AM

جيران مافيها كلام ولاعلى الواقـع غبـار
اعرف بطون الآودية واللي بروس جبالها
انته مسيّر في الحياه اعرفك ماتملك خيـار
وضعك مشين وحالتك بين العرب يرثى لها

هذه قويه .........................وضعك مشين وحالتك بين العرب يرثى لها
نشوف الرد

عايض العبدلي

03-07-09, 02:29 PM

أنا موجود في خدمتك..

لكن المحاورة انتهت ولاَّ بعد؟

عطيه بن عقدان

03-07-09, 02:44 PM

محاوره ابتدت سكتم بكتم وشكلها بتنتهي سكتم بكتم
على العموم دوبكم مسكتوا الطريق وباقي النفق قدامكم
ياتخرجون ياماتخرجون وننتظر التكمله الليله بعد صلاة العشاء

صحت السنتكم

-

الجــ صدى ــنوب

03-08-09, 08:50 AM

ابووو ولدي ،،

شكل التكمله جرت على الخاص ،،

شعار منتم سهلين و صحت السنتكم ملايين ،،

نننتضر جديدكم وابداعكم لا عدمنا هذا الحضور البهي،،

لكم أرق التحايا

حفيد الحميم

04-28-09, 11:33 AM

صحة السنتكم

فهد انت داااهيه من دواهي الشعر وقد سيرت المحاوره على طريقتك الخاصه وكل بيتين اقوى من اللي قبلها لله درك لله درك

صقر تهامه محاولاتك جيده ولكنها لم ترق الى ابداع فهد ( بدون زعل )

جريح النصر 9

04-28-09, 03:05 PM

مشكور والله يعطيك العافيه

صقر تهامه

05-02-09, 07:07 PM

صقر تهامه

05-02-09, 07:08 PM

شكرا لكل من مر على هذه المحاورة ولو ان الشكر متاخر

ساطي

06-22-09, 12:23 AM

الشاعر صقر تهامه

الشاعر فهد

صحت السنتكم محاوره قويه وممتعه

الاخ حفيد الحميم مع احترامي لوجهة نظرك اشوف ان العكس صحيح مع احترامي للاخ فهد

وانشد الشعار المحايدين

تحيتي للجميع