ريـــــــــــم
08-05-03, 03:55 PM
قصيده من أروع ماكتب الشاعر الكبير محمد بن حوقان في رثاء والده
أحمد بن حوقان يرحمه الله..
يابوي وين انت غايب عادتك ماتغيب= غريبة افقد حضورك بين كل الرجال
العادة القاك في صدر المكان الرحيب= والعادة اسمع تراحيبك تهز الجبال
وين انت ياللي فراقك لوعة ماتطيب = ياعزوتي ياظلال ما بعدها ظلال
اذكر وانا طفل كنت تقول خلك لبيب = وافهم علوم النشاما والليالي طوال
يازينها من لسانك قولة الذيب ذيب = وترى العوج ما يعيب في رقاب الجمال
اصحى وفي خافقي كلمة صداها رهيب = واسمعك تنده بصوتك يامحمد تعال
ترى الخامة دنس والبخل والذل عيب= وترى المراجل ماهي في الثوب والا العقال
والرامي اللي يغمض لو رمى مايصيب= ومن لا شرب من صفى الهداج يروى حثال
وترى الاجاويد صحبتهم شهامة وطيب= ولا يكسب الطايلات الا صدوق الفعال
للصبر عن شوفتك يابوي طعم عجيب= ياشين صبري على فرقا كريم السبال
ياجعل قبرا يضم اكبر جبل مايخيب= من نفح طيبك وجودك ياعظيم الجلال
دوب اعرف اليوم وش معنى الفراق الصعيب= توي تعلمت وش يعني تموت الآمال
يافزعة المستجير ولو على اقرب قريب= يامرتكي للمهمات العظام الثقال
الله لو شفت ربعك في الوداع المهيب= افواج كنك تناديهم ليوم النزال
الهم يغمد سيوفه في جروح الصويب= والصبر في الخاطر المكسور ماله مجال
همٍ مخاليبه اقوى من علاج الطبيب= كن الحنايا تناشط بين سمر الحبال
يابوي منتب على اصحاب المقابر غريب=كم زرتهم بالنهار وفي ظلام الليال
لويستطيعون قالو مرحبا بالحبيب= الغالي اللي غمرنا بالدعا والسؤال
دنيا بلا شوفتك ياجعلها للذهيب=عسى ترابا يضمك ما يجيه الزوال
صحيح اذا كان كلاً له من اسمه نصيب=حوقان حاق المراجل بالوفا والكمال
أحمد بن حوقان يرحمه الله..
يابوي وين انت غايب عادتك ماتغيب= غريبة افقد حضورك بين كل الرجال
العادة القاك في صدر المكان الرحيب= والعادة اسمع تراحيبك تهز الجبال
وين انت ياللي فراقك لوعة ماتطيب = ياعزوتي ياظلال ما بعدها ظلال
اذكر وانا طفل كنت تقول خلك لبيب = وافهم علوم النشاما والليالي طوال
يازينها من لسانك قولة الذيب ذيب = وترى العوج ما يعيب في رقاب الجمال
اصحى وفي خافقي كلمة صداها رهيب = واسمعك تنده بصوتك يامحمد تعال
ترى الخامة دنس والبخل والذل عيب= وترى المراجل ماهي في الثوب والا العقال
والرامي اللي يغمض لو رمى مايصيب= ومن لا شرب من صفى الهداج يروى حثال
وترى الاجاويد صحبتهم شهامة وطيب= ولا يكسب الطايلات الا صدوق الفعال
للصبر عن شوفتك يابوي طعم عجيب= ياشين صبري على فرقا كريم السبال
ياجعل قبرا يضم اكبر جبل مايخيب= من نفح طيبك وجودك ياعظيم الجلال
دوب اعرف اليوم وش معنى الفراق الصعيب= توي تعلمت وش يعني تموت الآمال
يافزعة المستجير ولو على اقرب قريب= يامرتكي للمهمات العظام الثقال
الله لو شفت ربعك في الوداع المهيب= افواج كنك تناديهم ليوم النزال
الهم يغمد سيوفه في جروح الصويب= والصبر في الخاطر المكسور ماله مجال
همٍ مخاليبه اقوى من علاج الطبيب= كن الحنايا تناشط بين سمر الحبال
يابوي منتب على اصحاب المقابر غريب=كم زرتهم بالنهار وفي ظلام الليال
لويستطيعون قالو مرحبا بالحبيب= الغالي اللي غمرنا بالدعا والسؤال
دنيا بلا شوفتك ياجعلها للذهيب=عسى ترابا يضمك ما يجيه الزوال
صحيح اذا كان كلاً له من اسمه نصيب=حوقان حاق المراجل بالوفا والكمال