يا عمدة الحارة حضر مطر الروقي

[حامد البراق]

السلام عليكم
ابو صالح اذا وقتك يسمح لاهنت

يا عمدة الحارة ((نباك)) اتحضر الروقي مطر


,,,,,,,,,,,,,,,,,,,,,,,,,,,,,,,, بنحاسبه في ما مضى ونحاكمه فالمحكمه


بعد احتزمنا بالحزام وبعد شدينا الكمر


,,,,,,,,,,,,,,,,,,,,,,,,,,,,,,,,,, الله يعينه والليال اللي بقت له مضلمه

[صقر تهامه]

وعليكم السلام ورحمة الله وبركاته ..

ياسلام ياسلام يااخ حامد .. بدايه قويه وحلوة مرة .. يالله حنا في انتظار ابو صالح ... وفي انتظار ابداعاتكما المعهوده منكما ...

تحياتي ..

[مطر الروقي]

صقر تهامه..لاهنت..والله يحييك.

هلا يابو سعود..والساعه المباركه.

ياعمدة الحاره نباك تبلغ البراق امر
.................................اللي ماعنده حجه الروقي مايقدر يخصمه

ياحامد البراق تدري لامفر من القدر
................................وانته ماتقدر تعطى الانسان والا تحرمه

[طلال]

أرها ساخنه من أوّلها

ننتضر القادم

[حامد البراق]

صقر تهامه..لاهنت..والله يحييك وشرفنا وجودك يا الغالي

طلال شكرا شرفتنا وشكراً للمتابعة

واستلم يا ابو صالح لاهنت

ماني زبونٍ للبعير اللي رغا بعد هدر


,,,,,,,,,,,,,,,,,,,,,,,,,,,,,,,,,, اعلم الروقي وكني يا عرب ما علّمه


من لا حسب للعاقبة رمى بنفسه فالخطر



,,,,,,,,,,,,,,,,,,,,,,,,,,,,,, والخير يقسم يا مطر والشر محدٍ يقسمه

[محمد بن حوقان]

حيا الله الجميع

متابع لكم وعلى القوة

ولي عودة

[ناصر النفيعي]

اتابع بصمت وترقب وحذر
واصلا الهطول الى اعلى

[عطيه بن عقدان]

على القوه الله يعطيكم العافيه
قويه قويه قويه من البدايه
تمنياتي لكم بالتوفيق

[مطر الروقي]

العمده/ محمد بن حوقان..شرفتنا بمرورك..وسطورك...لاهنت

ناصر النفيعي/ بوجودك ومتابعتك الهطول للاعلى دائما..دمت


عطيه ابن عقدان/ شكرا لمتابعتك التى تسعدنا..........وهلا

استلم يالبراق....لاعدمتك

ياحامد البراق لاتاطا برجليك الجمر
.............................ان كان لك حق اطرد الرجال حتى تلزمه

المشكله ياصاحبي وان طحت فى علة نحر
................................واللي بنى بيت المعزه مايعود يهدمه

[أبو نايف]

يالله قوهم وعافهم ........

ومشكورين على الموضوع المتميز..

[المحبي]

على القوه يالنشاما


الله يعطيكم العافيه0

[حامد البراق]

استاذنا محمد حوقان,,,,,,,,,,,,, شرفتنا وياهلا بك

ناصر النفيعي وجودك ومتابعتك تحرض على العلووو

عطية بن عقدان,,,,,,,,,,,,,, الله يقويك و شرفنا وجودك

ابو نايف ,,,,,,,,,,,,,,,,, شرفنا وجودك ومشاركتك

المحبي,,,,,,,,,,,,,,,,,,,,الله يقويك و شرفنا وجودك

ماعاد في بغداد يا الاجواد ياكود الفقر


,,,,,,,,,,,,,,,,,,,,,,,,,,,,,, واجيدهم اللي لو سمع علم العرب مايفهمه


تبا الحقيقه عندنا علم مهم ومختصر



,,,,,,,,,,,,,,,,,,,,,,,,,,,,,, الرجل لايرثع لسانه لو يرثع بقدمه

[مطر الروقي]

ابو نايف/ هلا بك شرفتنا بمتابعتك...لاهنت

المحبي/ الله يقويك..ولا يهينك..اسعدنا تواجدك

حامد البراق/ عذرا على التاخير..............مع كل الاحترام لك

اجمع ياحامد بكره العقال واعقد موتمر
...................................واللي مايفهم فى حضور الموتمر لاتزهمه

تبا الحقيقه لو يطول العلم والا لوقصر
...............................يرضيكم الواقع وحنا فى زمان العولمه