هنا( مصرع احدكم ) واحذر تسلم ( عُدنا )

[الطرقي]

البدع:


للصقر حوماتن وللذيب هروله


وللداّب لدغاتن وللعقربه دبّاب


خلّ الثعالب مكرها ملتقى التطبيب


ولاحكم بالغابه الاّ سباع الغابه


والحكم يبقى في زمنها لهالها




الرّد:


لقيت بعض النّاس لاما انتهر وله


مايركب الاّ مرسدس ماشرى الدّباب


ماهمّته لفّه ولاهمّه التطبيب


ولو تكلّم ترجموله سباع الغابه


والمخطيه محشوم منها لهالها

الطُرقي

[الحارثي]

والمخطيه محشـوم منهـا لها أهلها




صح السانك يالشاعر الطُرقي

وتكفى تكفى في اللي أنت خابر أكوه وبرد عليه تكفى

ولاوصيك كمان في الشاعر -ولد العمدة- إبراهيم الشيخي


حذف هذا السطر لما فيه من الفاظ لاتليق بالجميع
وانتبه من الشاعر الكبير محمد حوقان تراه ناوي لك بكّية محترمه




مع السلامة يالطُرقي

[قارئ الشفايف]

مشكور يالطرقي على مشاركتك .
وألف تحيه .

[عطيه بن عقدان]

هلا و غلا يالطرقي
يسرني ويسعدني النحاور معك


حيّ الله شاعر مابنى علم بهلله

علوم بدع الراس ماجات من كتاب

دعى وبسم الله على من دعى نجيب

ومثلكم يالطرقي آفيق له واصحى به

وانشا الله انّا كل فتنه نزيلها

*** الرد ***

يابو عدي بعت الشرف بيع بهلله

اسم العروبه منك عزّل ومنك تاب

كنّا نشوفك فارساً يعسف النجيب

واليوم كلاً قال فين البطل واصحابه

حتى المخابي عذّرت في نزيلها

[فوزي المالكي]

السلام عليكم ورحمة الله وبركاتهصح لسانك اخوي الطرقي

[ضيف الله العامري]

بسراحه اسعد لحظه يكون الطرقي وابو فارس في قارعه وارجو عدم التدخل من اي شاعراخر

وينك يالطرقي استعجل تراني متلهف لهذه المحاوره لمعرفتي بماسوف يحدث فيها من ابداع

[الطرقي]

الله يحييكم جميع : ( جماهيري العريضه(13) )



مرحبا ياعطيه مرحبا مرحبا ( والظاهر انّي لازلت استمتع بحاسّه اصطياد

من اريد وكيف اريد ومتى اريد )







البدع :



ابغاك بين البحر الاحمر وساحله


لاذعذع الغربي ولاهبهب الهبّاب


حتّى ولو صابك عطش فالبحر قريب


واحذر تمرّ القافله وارفع السبّابه


اخاف تمشي قبلها ماتدلّها




الرد:


الوقت مايرحم وكم من مساح له


مسح علوم القايد الواثب الهبّاب


اعلامنا يلقي لنا الكذب والقى ريب


لو تنشد امريكا عن القصد والسبّابه


قالو لقينا ربعكم مات دلّها







الطُرقي

[حنش]

وذيه الطرقي ياربه حيه
وللداب لدغات
واظنك جيت تدورها
حياك الله ومن اللي كفلك وطلعك
بعد ماسجنك الشيخي في اخر محاروه
الله الله ياخي ياحليلك يوم انك ماتتوب وتعاف القصايد
تذكر محاورتك مع بن حوقان الاخيره
والله لوااني شاعر وقيلت لي ذيك القصايد
اني لاعاف نفسيه خل عاد القصايد
لكن ابشر بها هيه جيت لحينك والقدر

استلموه يارجال وورونا فيه عجايب الشعر السبعه

[عطيه بن عقدان]

ساهر الليل
ضيف الله العامري
حنش ( حنش بوند )
يامرحبا تراحيب السيل وشرفتمونا



انا وردت الما الزلالي ومنهله

خل البحور المالحه جالها اتعذاب

وكم ديار اورد على ابيارها والشيب

قاد القوافل فارس ايده على مشعابه

ياكم قراحين استلبها بعقلها

*** الرد ***

بعض العرب مانعرف اسمه ومن هله

بيعيش طول الوقت في هول واتعذّاب

ويزيد يتعذب ويظهر عليه الشيب

مدري وش الي منتقص هيبته وش عابه ؟

روساً فضاويّه وروساً بعقلها

[الطرقي]

البدع :


بعض الزلال ايجيب حمّى وزلزله


والفارس اللّي طبّ يلقى مية نصّاب


قبل العدود احذر حذاري يجيك الذّيب


وش حيلة المشعاب والنّفخه الكذّابه


فضايح العربان من سارق ابلها



الرّد :



ياراعي المجلس تبصّر وزلزله


لو تنكر اللّي تعرفه قيل يانصّاب


والطيّب الونعم مايمشي معا الكذّيب


واللّي يذبّ الرّيع مهتمّ هلك الذّابه


وشلون يلقى القوم من سار قبلها






الطُرقي

[الجنوب]

الطرقي
عطيه

وبدات ساعة الصفر وبدأ معها اللقاء والحماس . لقاء منتظر سبق وان اعلنه الطرقي في قائمته الشهيره واليوم ننتظر مادا سوف تنتج عنه المواجهه .

متابعين


الجنوب

[التايه]

محاورة قوية وجميلة لكن تنقصني الخبره
لكن الطرقي نفسي أخذ معه جوله لكن ماهو في العرضه
أبيه في قلطه لكن لما يتفرغ من مهامه التي هو مشغول بها
لنا لقاء إن شاء الله

والله يقويكم ونبي نتابع معكم حتى النهاية

[محمد بن حوقان]

الله يقويكم

حنا متابعين انا والدويحي

الدويحي كعادته له بعض الرويا النقدية سوف يتحفنا بها بعد نهاية المحاورة

[عطيه بن عقدان]

ارحبوا حيّا الله من جانا
وجودكم يشرفنا

فارس مع نصّاب ماهي معادله
الفارس الهمّام بيودبه ودّاب
ويصبح النصاب ماعد له النصيب
يندم ويتراجع وحتى يقفّل بابه
وتصبح الرايه بحوزة وكيلها

*** الرد ***

عقل المضيّع بالمفاهيم عاد له
واصبح يميّز بين ناب الوبر والداب
مايدري انا لا رمينا الهدف نصيب
وآنا قطفت اللوز قبله واقف البابه
واعرف موازين التجاره وكيلها

[البيرق]

بسم الله الرحمن الرحيم

أخي الغالي/ الطرقي،،،وفقك الله،،،آآآآآآآآآآآمين.

مرحبا بعودتك،
عودة قوية،
تنبيء عن شموخ في أصالة،
وتحد في قوة،

لك الشكر الجزيل على ما تبذله من أجل رفعة هذا المركاز بأسلوبك الحيوي،

وأحمد الله ربي أن تصدى لمحاولتك الهجوميه هذه أحد رجال هذا المنتدى الأشاوس،

وهو الشاعر الأصيل/ أبو فارس عطيه بن عقدان،وفقه الله.

فلكم منا المتابعة والدعاء.

أخوكم البيرق

[الطرقي]

تحيّه لكل من شرّفنا ( مرحبن بم )





البدع :


لا صار لخشوم البنادق مقابله


ماهمّ بوزيد الهلالي علوم اذياب


ويبان من يرسل على مجلس التاديب


حتّى ابرهه ماعزّه الفيل وتهدّى به


ماعاد تذكر لابته غير فيلها



الرّد:


ايّام راحت واللّيالي المقابله


ندري وتدري جبل الثلج جاه اذياب


ياديب لاتخطي النّاس وانت آديب


بعض البشر نعرف عيونه من اتهدّابه


عينيه تبكي يايده غيرفي لها





الطُرقي

[الحارثي]

حتّى ابرهه ماعزّه الفيل وتهدّى بـه
ماعـاد تذكـر لابتـه غيـر فيلهـا



صح السانك يالطُرقي

[عطيه بن عقدان]

اررررحب يالبيرق
الحمدلله على السلامه
الحارثي وجودك يشرفنا

استلم يالطرقي عساني ما اعدمك
على فكره وين راحت الشنبات ؟


يالله تجنبنا العقول المهيبله
ويسر آلاحوال في حزة الحساب
ماقرّت الدنيا لنا لاهيا نشيب
ما احداً بيضمن لوعة الجمر واتلهابه
ولايرد الروح لامن وفت لها

*** الرد ***

احترت في شاعر علومه مهي بله
وش العمل من بعد ما ضيع الحساب
مايدري ان الدرب قبله بعد نشيب
الشعر ماهو حلم تعبير يتلهى به
يضيع في نقض المعاني وفتلها

[الطرقي]

مرحبا بمن شاركنا :


البيرق : الله يحييك



الحارثي : هلا وغلا



الجنوب : يامرحبا




التايه : تشرفني محاورتك


حنش : باقي التفت لك .. عيني بك


استلم يابو فارس






البدع :


نسعى لفتل ونقض لا للمجدوله


والشعر حكمه والقصايد صيود اعقاب


والقاك في كلّ المعاني معي حبّيب


أثر المعلّم مالقي الخير من طلاّبه


يعطي دروسه روسهم ما وعت لها



الرّد:


قصايدك ياخي عطيّه مجدوله


ماهي بهي ياخوك تجزي الحسن باعقاب


لاتعجن الدخن التهامي معا الحبّيب


ابشر بما يرضيك من حقّ ياطلاّبه


نكسر مجاديف العداوه بعتلها ؟؟







الطُرقي

[عطيه بن عقدان]

المعذره في التأخير



يالطرقي احذر لاتسوي مجادله
معنا في المحظار نقادةً واجناب
يقررون العرف والموقف القطيب
والي تغدّى المر لابد يتعشا به
يهوى العقول الي تزايد ظلالها

*** الرد ***

الجيد الي صان قوله وجاد له
واذا نشب يلقى لها لفةً واجناب
وان جا بعلم الطيب لابد يلق طيب
والي يناظر واهج الشمس يتعشّى به
يصبح يدوّر يازميلي ضلالها

[عابر سبيل]

جعلني ماعدمك يعطيه

الشنبات طاحت من زمان (1)

الله يذكرك بالخير يابو نواف

بس باقي الاسم يتغير الى


لا تتعب حالك يابو فارس

تقبل تحياتي

[البحر]

اتيت ابحث عن شيء ما

ولقيت الطرقي لازال يتحدى الجمع

ياله من مشاكس

بصراحة شديده
تجولت واستمتعت على هذه الصفحة الجميله
والتي تحوي بداخلها الجمال والروعه
وميزان لوما الذمة والامانة لضغط على احدى الكفتين وانا مغمض وسريت وخليتهم لبقعا
ههههههههههههههههه

لكن لذمه والامانه
روعه وتحية للاخوان ابو فارس والطرقي
تحية لكم
اخوكم البحر

[صقر تهامه]

السلام عليكم ورحمة الله وبركاته ...

تسلمون يانشامى ... واصلوا وعلى القووووة ... وانا يابو فارس بصفك ولايهون الطرقي .. لانه يعرف السبب (1)

[عطيه بن عقدان]

اخواني الافاضل

عابر سبيل
البحر
صقر تهامه

اشكركم على المرور والتعليق
آمل ان تكونوا رضيتم بما قدمناه لكم
تمنياتي للجميع بالتوفيق

[الطرقي]

مرحباً بالجميع


تعال ياعطيّه ( بيني وبينك ولاتعلّم احد ) تراك اخلفت المشلوله كذا مرّه

وفي كلّ مرّه تغيّرها اغيّر معك ؟؟ ماصدّقت ...راجع القصايد ياراعي


الشبكه(9)