قالت وداع وقلت وين أبتروحين

[ضحيان]

قالت وداع وقلت وين أبتروحين
قالت وداع ماعاد لك أي قيمه
قلت أرجعي بالله لا لا تروحين
دامك بقلبي والحنايا مقيمه
ويش غيرك ياسيد كل المزايين
قالت جروح في الحشا لي قديمه
قلت أصبري ماقوى الهجر منك تكفين
مقوى فراقك والعناء لى ظليمه
قالت تصبر هذا حال المحبين
أفراحهم في الحب دايم يتيمه
مسكين ياضحيان في الحب مسكين
يشكي جروح في الحنايا عظيمه
جرح الغرام وجرح فرقا المحبين
كانت خساره في حياته عظيمه

تحياتي لكم
ضحيان

[أبو نواف النماصي]

صح لسانك ياأستاذ / ضحيان

وصدقت المحبين فرحاتهم متيتمة

تصبر والله يعين .........تقبل إعجابي ياسيدي

[الطرقي]

مرحبا ياضحيّان واسمع اسمع




ابيات ورموز وتوجّد وتلحين


وازهور وورودن وغيمه وديمه


حبّيت اقلّب في كتاب المجانين


مكتوب للعاشق قديمه.... نديمه


اللّي مقدّر غصب بتشوفه العين


والحبّ يبقى له عواقب وخيمه


امّا يباريها على مع الوقت باللّين


والاّ بيبقى تابعن كالبهيمه


القلب مثل النّار والحبّ بنزين


والطيّبه ماهيب بمثل الذميمه


وما كلّ فرخن نسل حرّ الشياهين



وماكلّ رجّالن يقلّط وليمه


وما كلّ حربن قوّمت حرب تشرين


وما كلّ من ينصح نوى بالشتيمه


اطلب هوى بالك ولو كان بالصّين


واحذر من اهل الشوشره والنميمه



وان كان خلّى العشق غيره ملايين



البعض لا تحسبه راس الغنيمه



لا اختلّت الدنيا قلبنا الموازين



نموت ..... مانرضى القهر والظليمه



يذكر صلاح الدّين مع حرب حطّين



والنّصر يذكر لاذكرنا الهزيمه



اللّه يثبّتنا على العدل والدّين



ونعيش بالدّنيا حياتن كريمه



حبّيت ادبّلها قصيده وبيتين



يقولها الطُرقي قويّ العزيمه







مع التحيّه


الطُرقي

[ابو رامي]

حضرت لا سجل اعجابي بما قرأت من ابداع للاخ ضحيان
والاخ الطرقي

وفقكم الله

تحياتي

[بنت السحاب]

اقتباس من الكاتب فنــان الديــره
حضرت لا سجل اعجابي بما قرأت من ابداع للاخ ضحيان
والاخ الطرقي

وفقكم الله

تحياتي

[مستور المالكي]

الله يصبرك على فراقها يا ضحيان



واذا كان كذا توافينا بابداع كلما فارقت



ياليتك كل يوم تحب وكل يوم تفارق




تقبل تحياتي