اعطنا علوم السوق والديره والسيره باللجة القديمه وهذه بعضا منها

[حمدان المتعاني]

وش رايكم لو كل منا اذا راح الديره يعطينا علومها باللهجة القديمه

وهذي علومي لكم .

يالربع بعلم الله بغير قدمتا على خويي

الخوي


تسد النوب

علومنا بقاكم ورضا مولاكم في محلناوالله ربنا لانغدي ولانجي الا يم الله الديرة والسيره واحد كما الزراعه مامنها شي ابدا مره الله يابا والديره مسنيه كما المطر جانا هشمه على حلوق عولاء يارجال تقدر تقول المغرق والخضره ماتوشفها الا في الشجرة الكبيره كما السواق مارخيص الا الريال كما المحاكم من حكم نفسه ماحكم عليه كما القبائل المجاوره لنا طيبين ماعليهم من الله خلاف ايبله ياعانيه الى راي الله واليوم بتاله من ربوع العين الهين مانمشيه ابدا مره الله يابا ندور لنا جمل اضما عليه وسم الهليل وفي طريقنا صادفنا رجال يقال له فلان ابن فلان الفلاني واخذنا علومه ونشدناه عن الجمل وذكره لنا عندكم ياهل اضم يقول انه شافه عش تامس من كوة عكاس ملقي جوف اضم
الا وهي قامت علينا الظهيرة وقيلنا في غويق الى بعد العصر بتاله من ثمه وهاك بها ياباني مقبلينها صوب الله وصوبكم ==== اهل المقام حياكم الله === الضيوف الله يبقيكم. قلنا ان كان الجمل عندكم والا شفتموه والا اطري لكم تدلنا عليه هذي الاخبار والاعلام وماجرنا وزايداها بقاكم ==== اهل المقام بقيتم ولا شقيتم وحي الله وحييتم يامرحبا ياضيفاننا والله ام احنا كذلك................ واكمل يابن عقدان

هههههههههههههههههههههههههههههههه

[الغبشي]

ههههههههههه
الله يابو حمد ذكرتنا ايام زمان
ياليتها تعود
واتمنى ان يرد عليك في العلوم
صقر تهامه والا مشعل بن سيال


ابو عبدالله

[صقر تهامه]

الله اكبر ياغويق
ذكرتنا ياحمدان بالديرة الله يسعدك


بقيت ولاشقيت واهلا بك وحييت ويامرحبا من حين جيت ويطول لك السعد والقبول والله يصلي بنا وبك على الرسول والله يديم ستره على من يطلبه ، ماجاك والله حياك وعسى الله مازانا ومازاك وحياك الله لحاجه ولغير حاجه ويامرحبا بك تراحيب المطر والسيل وعدما عقب النهار الليل

في محلنا وباقين والباقي الله لانغدي ولانجي الا يم الله

الديرة والسيرة واحد مثلما عندكم .. كما الزراعه والمطر والاسواق ومثلما يقولون (كل سلعه سوقها من فوقها) وكما حال جيراننا من القبايل وعربان طيبين في مجراهم ومن حكم نفسه ماعليه حاكم ... اي بالله يالحبيّب .. لاصكه ولامحفة والله يابى .. كما ماذكرت من جملك فلو مر علينا ابشر بسعدك اما ارسلناه لك والا دعيناك تجي له وكلها والسعد فالك .. جيتم وحياكم الله .. ذلحين طلقت من محّيل الاعناق ماتمشون الا بعدما تاكلون واجبكم وانتم بين ربعكم وبني عمكم مانتم عنا ببعيد وكلنا ارحام وعواني .. لاعلم ولاخبر ولامريض ولاعريض .. وهذا مانقفى به صوب اعلامكم وبقااااكم على الله

[سيبويه المالكي]

مافهمت شي ولكم شكري

[حمدان المتعاني]

يالله حي الصقر

وبقيت ولاشقيت

انت طلقت ياطويل العمر لكن ويننا وانت وين

والعشاء برد اعزم عليه ابو عبدالله

تحياتي

[صقر تهامه]

هلا ياحمدان

مرحبا فيك والله

اي والله العشاء برررد ههههههههه لكن باتعشاه انا وعياليه <<< ماهو متزوج هو ووجهه


الان استاذنك واطلب من ابو فارس ان يعطي علمته وان يختار لها موضوع معين ومن ثم يحدد احد الاعضاء للرد عليه وعلى هذا المنوال حتى نستفيد اكثر والشكر لصاحب الفكرة حمدان المتعاني وشكرا

[السعدي1]

الحمد لله وكفى وصلى الله على النبي المجتبى واله وصحبه اجمعين وبعد : اقول ماشاء الله تبارك الله عليك اخي صقر تهامه بل صقر الصقوروبطل الابطال علي قوة حفظك وسعة اطلاعك وقوة نباهتك واهتمامك بتراثنا الجميل فكم اعجبت بك على كثرت مشاركاتك المفيدة وقوة نشاطك فانعم واكرم بك وبمعدنك الطيب الكريم فاكرر الشكر والتقدير لك وتمنياتي لك بالتوفيق والسداد . والشكر موصول للاخ حمدان المتعاني على هذه(العلمه) ونطلب المزيد وفق الله الجميع الى مايحب ويرضى .

[ابوالوليد]

هنا علوم رجال

بيض الله وجيهكم


حمدان المتعاني والله انك جبتها



والذيب صقر تهامه ما عليه زود


طيب الله فالكم

[الشيهان]

كلام جميل وعلوم رجال

اتمنا ان اجد الوقت للمشاركه بعلمة سروي مفصله

اخوكم

[هلال الهلالي]

هههههههههههههههههههه

الله يعطيكم العافية جميع

والله اني تذكرت قصة مع العلوم وكنت وانا الاخ / احمد الهلالي وهو اكبر مني رايحين لشيخنا عبد الكريم الله يطول في عمره وكنا حينها والله اعتقد في حدود 18 سنة اعمارنا
وكانت اول مرة لنا من العلوم وكأني بابتسامات ابو سعيد وابو محمد الله يعطيه العافية يخنبق في العلوم وانا والله ماصدقت ينهي علومه عاد اول مرة وقدام الشيخ كان موقف والله رهيب

اكيد الاخ / الاستاذ احمد مانسي هالموقف

الله يعطيكم العافية جميع وجميل جدا ان نحافظ على هذا الموروث الجميل

[الشتاء دافي]

عز الله انكم كفيتم ووفيتم ياصقر تهامة وانت ياحمدان وعلوم الرياجيل عساني والله ما اعدمكم
وكون العلمة على موضوع الجمل فهي جميلة
ما رايكم تكون على شكل قصة ترتبط بالموروث كخطبه. أو إصلاح.أو مطالبه بحق أم ما شابه ذلك من الإمور ألتي تحيي علينا حياتهم في تلك الأيام
ولكم جزيل شكري وتقديري



وبقاكم

[عطيه بن عقدان]

ياسلام ياسلام


يقول من لفى علّم

من يمّة وادينا والله هادينا,مانروح ولانجي الا يم الله , الديره والسيره واحد والله شاهد ماجانا علمً
ماجاكم,اما من ناحية المطر فالديره غبره ونسال الله الشبره جانا شي بسيط غرق اللباس ولكن ايد
الله بالخير مليانه,اما من ناحية الزراعه فنحن في حتات الصيف والحمدلله مابين حنطه ومشعوره
بعضنا حصّل (5 افراق ) وبعضنا ماشاء الله من فوق العشرين فرق والقفاع ملي حب ياربي لك
الحمد.الاسواق واحد من عندكم الى عندنا السانيه الجيده تنشرى بــ 400 ريال والغنم افرعها
بـ 60 ريال والمقاني من 40 وحول. والاسعار في باقي السوق تختلف مابين البايع والشاري
كلمة يفتح الله وبارك الله لك, ربعنا بخير صغيرهم وكبيرهم ماهناك خلّه الا من بعض الطلايب
في دروب وماشابهها والله يصلح شان الجميع.
قدّر الله علينا بمشكله حصلت قبل اسبوعين وهي ان ولدنا الكبير خويتم كان يرعى بالغنم مع رعيان
الجماعه وكتب الله انه يرمي بحجر منشان يرد الغنم ولكن الرميه صافت لراس ولد واحد من جماعتنا
وهبّا مكانه ماشالوه الا فوق النعش وبعد نهارين قدر الله عليه ومات الله يرحمه.
وياحادرين وياساندين الين حكموا الحاكمين بدفع الديه مطبوقه 12 الف ريال وحبس ولدنا عند الشيخ
الين الله يفرجها وندفع الديه.
خليناه الى هذا اليوم الفضيل وجيناكم مقبلين راجين الله ثم راجينكم في رفدتنا باللي تشوفونه ونحن
في طرقه بنتجول في تهامه وبعدها بنطلع السراه والله لايوريكم مكروه ولا اخواننا المسلمين
هذا مانعلم به لكم وعفاكم.

[صقر تهامه]

الله اكبر يابو فارس

///

برااااااااسك ياحمدان ههههههه

[صقر تهامه]

خلاص حمدان رد


تحياتي

[حمدان المتعاني]

معافا وعن الشر مكافا وحياك الله وحيا علمك ويامرحبا بك من ممشاك الى ملفاك
وحياك الله يا أعز من لفا .

مانرد في علمك الا بخير .

والله ام احنا كذلك من غير قدمة على ولدي أحمد هذا اللي بهبي فوق الكمبيوتر مسوى نفسه باحث الشرق الاوسط . الله يصلحه .

في محلنا والله ربنا لانغدي ولا نجي الا يم الله .الديرة والسيره واحد .
السما سله والوادي جله وكلن على ما اعطاه الله . اي بالله ياعانيّه .
كما الديار والله انها كانت قافرة وسنية ولكن الله رزقنا بمخال وقع على راس جبل نشوال وجبل جلجل خرجت منها الشعابه وامتلت منها الوعاير والوباد وشرب منها كل كائن حي حتى العباد . اي بالله يعانيه . كما الاسواق مارخيص الا الريال الغنم ماغالي فيها الا العتّان وام المقاني فهي على خبرك اهلها مايوردنها الاسواق . وان بغى منهم الواحد يبيع غنمه باعه قلعه واحده . والا اخبره من بعض جماعته بالنصيفة في البطان والروس تبقى لراعيها .
كما المحاكم من حكم نفسه ماحكم عليه .. ولو ان الايام هذه يارفيقي وعانيه معي فيها قفر طير .! الواسطه وانا عانيك لعبة في القبايل اصبح الرجال سلاحة واسطته وقلمه راحت ذيك الايام اللي انت خابرها .. المذاهب هانت والعوايد اختلط بعضها ببعض واصبح اللي عندنا عند غيرنا .. اي بالله ياعانيّه .. كما الزراعه فاليوم الناس كبوها .. حتى حبوب المزارع مالها من ياكلها معنا صفه الله يصلحهم يارفيقي طاحوا في الدجاج والرز وذا القراصين المرطرطه اللي تيبس في الساع .. وان رقدوا ماصحيوا وان صحيوا مارقدوا... صفة اعوردجال كفانا الله سوها ... بعدها لاطاري ولا علماً جاري ابداً مره الله يابا . الى معك في ذاليومين حصل مخامشه بسيطه بين عيال منا وعيال من حددانا ثقيف العوج ... تخامشوا مخامشه يارجال تقدر تقول دكمه ولكمه .. ولكن ماقصروا عوانينا وحددانا الثقفان بيض الله وجوههم تفهموا الموضوع وقالوا الله واساكم ياعوانينا على مثلها وكماها .. العاني ماله الا عانيه والحديد رفيق .
اي بالله ياعانيّه ..
الى ماتحوش وتنوش فالله يكفينا شر المصايب .. والقدر مانرده والحمد لله على كل حال والله انكم تفهمون وتلهمون مادامها يارفيقي خطيه كان غطيتم الموضوع بينكم .. ولا من شاف ولامن دري .. والرفيق ماله الا رفيقه . في ضيق والا في سعه . ولكن اولاد الحرام ماتركوا لاهل الخير طريق .
جيت والله يحييك يامرحبا بك والسعد فالك ابشر ولا تبشّر الا بخير .. عشاك عندنا والم .. وممساك مكان عشاك وبكره وخير .. انت خلك في البيت مع ولدي الكبير . وانا بروح للشيخ زعيط بن معيط ليجتمع في القبيله ويكون مبدانا واحد . بدلا من تتعب حالك من قريه لقريه وحلية متعان مترامية الاطراف وكثيرة الاودية والشعاب ووعرة الدروب والعقاب .
فنحن خدامك ياضيفنا .. اللي بيعطيك مابيعطي الا نفسه واللي بيبخل مابيبخل الا عليها .

هذا قيّس الاعلام والاخبار وما نقفى به ونرد به في علمك وزايدها بقاك وبقى السامعين ..

التهامي .

[أبو حسن]

الله يبيض وجيهكم............!!

ونعم العلمة ..........ومن مين؟؟؟؟؟؟؟
من رجال اذا وعدو ما أخلفو.......!!
واذاصادقو ماخانو............!!

اهل للكرم والمروة والحمية .............!!

نرفع رؤؤسنا بهم ولنا الشرف.........!!

الله يبارك فيكم ويخليكم ...........!!

وعساكم على القوة...........!!

[موج]

واللة خطير ياحمدان (قيدوم قوم ) بيض الله وجهك ووجه ابو فارس وصقر المنتدى

[أبو مهند]

الله يعطيكم العافيه اخواني جميعاً
عمل رائع كروعة تراثنا المجـيــد
فلكم كل الشكر والعرفان
والله يرعاكم
دمتم بخير