تعبير عن الواقع

[زايد المالكي]

الله من شيا على القلب يلويه=يجيه من بعض الصواديف لاوي
ادرى واداري مير ماني بقاويه=ماني على بعض الصوديف قاوي
كم واحدا حظه قويا ومغنيه=عايش ومرتاحا وحظه غناوي
وكم واحدا حظه هوينا ومشقيه=يسعى ورى حظا تعيسا شقاوي
ما كل رجالا بياصل هقاويه=حتى ولو انه قريب الهقاوي
الرجل من فعله وطيبه وطاريه=دايم لعاداتالرياجيل هاوي
الطيب والمعروف والجود راعيه=ولا بيصغي للدروب الدناوي
ولا ناضت الهيجا ولد النظر فيه=يبدو لها عاشق ومجنون غاوي
ولا اعتزى يقدر يوفي عزاويه=يوم ات غيره ما يوفي العزاوي
ولا دعى يقدر يثمن دعاويه=لا جات بالمجلس ثقال الدعاوي
وراع الردى يدفن ببطنه بلاوي=يضحك وضحكاته وراها البلاوي
من خلقته كل العرب ما تدانيه=على الحسد عايش كثير الحكاوي
ما كل واحد في طريقك تخاويه=ان كان تفهم تعرف اللي تخاوي
كم واحد امنته وضعت الثقه فيه=دري بسدي واظهره بالهقاوي
مبدى ما هو لك مانت مجبور تبديه=جنب عنه خله لعشرين هاوي
واما خوي الجنب بالروح نفديه=اللي معك في كل ما قف فداوي
واللاش ما حيا من الناس يرجيه=رخيص الماقف قليل الرجاوي
واللاش لو عند الثريا توديه=يجيك متنكس لمثواه ضاوي
وقت السعه بالحيل ينفخ علابيه=صوته كما صوت الحمار الحساوي
ولا نخيته يندرق ما تلا قيه=يندس ما بين الرمث والخلاوي
وجرح الحشاما كل طبا يداويه=ولا كل من يكتب علاجه يداوي
واللي بخافي الصدر لله اباشكيه=ربي على غيره حرام الشكاوي
القائل خضران بن محيل

[صقر تهامه]

والله ونعم في خضران بن محيل

ونعم في صبي شوقبين



قصيدة رائعه


وصح لسانه ملايين واتمنى ان تبلغه سلامنا

وان كان له بالانترنت

فياليت مايبخل علينا ابو محيل


وانا متاكد ان راسه مليان بالعلوم الجميله والمفيده

شكرا يابو سالم

[عطيه بن عقدان]

صح لسان خضران وسلمت يمين الكاتب
الحقيقه كلام لايصدر الا من متمكن وقصيده تستاهل ان تكون معلقه
شكراً يازايد ونتمنى المزيد من ابداع هذا الشاعر الذي ربما لم ياخذ نصيبه
من الشهره وانا متأكد ان لديه الكثير وان شاء الله نشوفها في منتدانا

[سلطان الحزن]

لاهنت وتسلم يدك على النقل لكن ياليت تراعي يابعد عمري الموضوع من كل النواحي فحنا مخصصين فوق لو تشوف بيت خاص للقصائد المنقوله
وانا قمت بعد اذنك بوضعها في المكان المخصص
للقصائد المنقوله

[حمدان المتعاني]

قصيده رائعه وجميله وابيات تحكي الواقع

سلم القائل والناقل

تقبلو تحياتي