الفاتحة على الطرقي !!!!

[محمد بن حوقان]

هلا والله بالطرقي
الله يحييك



مرحبا واهلين بالطرقي زعيم الحارة "=" حارة كل تركها واصبحت مهجورة

ما حنا فاضين للغشمان والزوارة "=" لاتحسب كل طرقي ينعقد له دورة

[الطرقي]

مرحبا يا بوخالد : عدّ اصابع الجمل



البقا ياشاعرن ينحت بروس احجاره


لين يظهر للبيوت وتنصهر من جوره


فرصه انجاري بها للعالم الكبّاره


والخواطر مسفهلّه ضاحكه مسروره

[محمد بن حوقان]

اللي اعطاك القفى ما انصحك تتبع ثاره "=" عز نفسك خير لك من صرة مصرورة

كب دار ما يعزك يلعن ابو دارة "=" انصحك جنب عنه واعلن عليه الثورة

[الطرقي]

حن نقابل بالوجيه وننتبه للشّاره


ومن عطانا بالقفا له علّتن في زوره


دارنا دار السّعد والجار يعرف جاره


وضيفتك عجلين وجمالن تجي منحوره

[محمد بن حوقان]

دارنا معروف يا اهل القلعة المنهارة "=" بعدما انهارت على رووس اهلها مشكورة

ازعماها كنهم في مجزرة جزارة"=" هم دياب صحيح لكن اثرها مسعورة

[الطرقي]

تفتل ابياتك وترسلها علينا غاره


ثمّ ننقضها وجاك الفتل باجمل صوره


وش تسوّي لو خطفك القوم في طيّاره


وانزلوك افي الوديعه في جنوب شروره

[محمد بن حوقان]

تدري انا مالكين القوة الجبارة "=" وان تعرضنا القوافل نوخت مجبورة

انتضر واللي يعاندنا تجيك اخبارة "=" الرجال بيكشفون البيعة المستورة

[الطرقي]

واللّه انّك ماحزرت ولا بنيت اعماره



والقصيد أصبح معا شرواك لعبة كوره



من سرق تقطع يمينه قبل قطع ايساره




وانت راعي الاوله والقصّه المشهوره

[محمد بن حوقان]

اسلم وسلم وتلقى كل ما تختارة "=" صورة ما تنسي فالداكرة محفورة

خل شباك المشاكل لا تنوش استارة "=" ارعدت والاازبدت كل وله مقدورة

[الطرقي]

اكيد يابو خالد قد سمعت بالضربه القاضيه : الحين تشوفها استلم





فالصريف ان كنت ماخذ حجّتن وزياره



العرب حجّوا بمكّه ديرتن معموره



والقصص ما تنّسى وابليس طفيت ناره



ياعسى سعيك حميد وحجّتك مبروره





الطرقي (44)

[محمد بن حوقان]

يعطيك العافية

يا الطرقي

ونلتقي في محاورة قادمة ان شا الله

[عطيه بن عقدان]

يالربع ايش القصة ؟
يعني ... سكتم بكتم لا من شاف ولا من دري
على العموم ماقصرتوا صحت السنتكم
اشوف الطرقي بدا يدوخ ..... اكيد يبي له بندول(15)
نشوفكم انشاء الله في محاورة ثانيه

[حنـش]

كفو كفو كفو
يابن حوقان
ايوه تستاهل ياطرقي وش قلت لك
ذاك اليوم قلت من يلمح فوق الابهر ينوض عليه
ويقعد مكندسا طول عمره وش يقربك من بن حوقان
ارعدت والاازبدت كل وله مقدورة
ولا الثاني
عز نفسك خير لك من صره مصروره

ياسلام يابن حوقان

لكن ياطرقي هذا وبن حوقان وصفى حسابه معك
لكن بقي حنش
والايام بيننا
وترا انا نظامي حرب بارده

[البيرق]

بسم الله الرحمن الرحيم

مشرفنا العام وشاعرنا القدير/ أبو خالد،،،وفقك الله،،،آآآآآآآآآآمين.

الآن أنام وأنا قرير العين، أسأل الله أن يوفقك يا أبا خالد،

يا أخي ريحت قلوبنا في الطرقي،

صدق قرأت مرة ومرتين وكل مرة أستعذب القصائد، لأنها أتت من رجلين شهمين كريمين.

نتشوق إلى حلقات أخرى.

أخوكم البيرق

[ضيف الله العامري]

تسلم يابو خالد ونصيحتي لطرقي لايحشرنفسه في طريق مايستطيع الوصول الى نهايته ومادام انه عليمه ولايعرف للقصيده معنى فعليه بالرحيل عاجلآ غير اجل هذا نصيحه اخويه فقط

[ابراهيم الشيخي]

احم احم


انتضر واللي يعاندنا تجيك اخبـارة ii"
" الرجال بيكشفون البيعة iiالمستـورة



بن حوقان .....................الطرقي



بالحرام لو ماهو بيننا هالشاشه لانط في بطونكم




طيب طيب والله لاخذكم بالسرى

[احمد السريفي]

قد امتعتمونا
وماقصرتم وكنت ممن يتابع تلك المحاوره
شكرا لكم وننتظر جديدكم

[الجنوب]

محاوره جميله من كلا الطرفين
واضافه جميله للمنتدى بصفه عامه ولمركاز العرضه والمحاوره بصفه خاصه .
الجنوب

[احمد بن موسى]

محاوره جميله من كلا الطرفين
واضافه جميله للمنتدى بصفه عامه ولمركاز العرضه والمحاوره بصفه خاصه .


الله يقويك يابو خالد ،،والله يعينك يا الطرقي لكن شد حيلك


اخوك/ بحر العطاء