عبدالله القثامي
11-14-03, 06:31 AM
بسم الله الرحمن الرحيم
الاخوه والاخوات من اعضا ومشرفيه
اتقدم بالشكر الجزيل للشاعر العلم ابراهيم الشيخي على استضافتي في هذا الصرح الشامخ وحسب طلبه اتقدم بهذه المشاركه المتواضعه وارجو ان تنال ولو على الشي اليسير من اعجابكم واستحسانكم
البارحه صدري من الغيض نظّاح= والقلب من سيد الغنادير مشحون
وان كان تسألني عن الحال يا صاح= الحال امانه وأسود الليل مامون
وأنا من اول كنت رايق ومرتاح= ما سقت في دنيا المحبين عربون
عايش وسري للمخاليق ما باح= ومن يوم شفت اللي بها الزين مخزون
الصاحب اللي كنّه المسك فوّاح=أبو ثمان(ن) كنها اللول مكنون
أخذت انا وياه مسرى ومسراح=وأمسيت أنا والقلب في كف مزيون
وعشنا حياة(ن)كلها إمزوح وفراح=أربع سنين وكنها نطقت النون
واليوم سابع حول لا جا ولا راح=عود يسويله معاذير وشطون
وأنا من المغرب لفلاج الاصباح=أنشد نجوم الكون وش صار في الكون
ليه المحبه هم وغبون وأجراح= والحب راح أضغاث وأفلام كرتون
ليه البذور تموت في يدين فلاح= والأرض خصبه والسماء خير ومزون
ليه الليالي راحت احلام واشباح= ليه الصحيح يعود الآم وحزون
راحت حياة العالم دموع تمساح= لاكن يا دولاب الايام بلهون
واليوم يا مسعود قل لبن مرجاح= أنته وعبد الله تراكم تمونون
تبصرو في حال حالي بالانصاح= وش حالت اللي حالته دون في دون
الموت حان وزند الايام قداح= وأنا من علوم الرياجيل ممنون
أنتم هل الطاله صناديق ألا مداح= وبسر قلبي للملا لا تذيعون
ترى اللسان لقلب الانسان مفتاح= والرزق عند مكون الكون مضمون
والعون ما هو بالشعر والتمداح= العون عون اللي يبي منكم العون
وأوصاف خلي ما تبي شرح وإضاح= ما هو بشر غير البشر وش تقولون
يا خذ من اوصاف القمر نور وضّاح= وياخذ من أوصاف المهاء عنق وعيون
وباق الوصوف لعالم الزين تجتاح= ليل ونهار ونار ورِماح وطعون
أمست إديرهم عقب الأفراح صحصاح= ما عاد للدار العزيزه يرودون
وإن كان يا لاخوان برق الحياء لاح= ودو سلام وجيبو اللي تجيبون
الاخوه والاخوات من اعضا ومشرفيه
اتقدم بالشكر الجزيل للشاعر العلم ابراهيم الشيخي على استضافتي في هذا الصرح الشامخ وحسب طلبه اتقدم بهذه المشاركه المتواضعه وارجو ان تنال ولو على الشي اليسير من اعجابكم واستحسانكم
البارحه صدري من الغيض نظّاح= والقلب من سيد الغنادير مشحون
وان كان تسألني عن الحال يا صاح= الحال امانه وأسود الليل مامون
وأنا من اول كنت رايق ومرتاح= ما سقت في دنيا المحبين عربون
عايش وسري للمخاليق ما باح= ومن يوم شفت اللي بها الزين مخزون
الصاحب اللي كنّه المسك فوّاح=أبو ثمان(ن) كنها اللول مكنون
أخذت انا وياه مسرى ومسراح=وأمسيت أنا والقلب في كف مزيون
وعشنا حياة(ن)كلها إمزوح وفراح=أربع سنين وكنها نطقت النون
واليوم سابع حول لا جا ولا راح=عود يسويله معاذير وشطون
وأنا من المغرب لفلاج الاصباح=أنشد نجوم الكون وش صار في الكون
ليه المحبه هم وغبون وأجراح= والحب راح أضغاث وأفلام كرتون
ليه البذور تموت في يدين فلاح= والأرض خصبه والسماء خير ومزون
ليه الليالي راحت احلام واشباح= ليه الصحيح يعود الآم وحزون
راحت حياة العالم دموع تمساح= لاكن يا دولاب الايام بلهون
واليوم يا مسعود قل لبن مرجاح= أنته وعبد الله تراكم تمونون
تبصرو في حال حالي بالانصاح= وش حالت اللي حالته دون في دون
الموت حان وزند الايام قداح= وأنا من علوم الرياجيل ممنون
أنتم هل الطاله صناديق ألا مداح= وبسر قلبي للملا لا تذيعون
ترى اللسان لقلب الانسان مفتاح= والرزق عند مكون الكون مضمون
والعون ما هو بالشعر والتمداح= العون عون اللي يبي منكم العون
وأوصاف خلي ما تبي شرح وإضاح= ما هو بشر غير البشر وش تقولون
يا خذ من اوصاف القمر نور وضّاح= وياخذ من أوصاف المهاء عنق وعيون
وباق الوصوف لعالم الزين تجتاح= ليل ونهار ونار ورِماح وطعون
أمست إديرهم عقب الأفراح صحصاح= ما عاد للدار العزيزه يرودون
وإن كان يا لاخوان برق الحياء لاح= ودو سلام وجيبو اللي تجيبون