الشاعر/سعيد بن هضبان(وقصة الجمل)

[ضيف الله العامري]

ابن هضبان قال اليوم قريت معروض الجمل
كاتب فيه باسم الله واقر وتسمع يا محافظ
اقر دعواي واسمع قصتي واعطني حق نصيف
قصة تذهل القاري وغيبت منها ما يلي
قال فيها اجمل ربي وخلقني وسماني جمل
وآنا في الغاشية مذكور قبل السموات والأراضي
بأمر ربي وتدبيره تكونت قبل الكاينات
ثم سخرني الرحمن في خدمتك يا ابن ادمي
وانشدوا يا صغار السن الأجداد عني كيف كنت
انقل البادوي وأوصله من مكان إلى مكاني
وانقل الحمل للتجار من كل سوق لكل سوق
وانا سفينة الصحراء وانا الطايرة وانا السيارة
لا تعطل ولا بنشر ولا ذوق بنزين وزيت
ثم لا اصدم ولا افحط ولا عممو عني المرور
وإما من يوم جت المازدا والكورلا والكراون
والفيكسار والهيلوكس والجمس والديهاتسن
قام كل يقل حدوه فردوه عن زرعي وشبكي
والله ياالشبك مادونه يكن كينة وإلا حماط
واحتزم راعي الرشاش ثم اتبعني ثم رماني
والله لوكنت جندي من سراييل ما يلحق وراي
لكن الله ينصرني بنصر يعرفه كل عارف
ذا ناصر ناقته في قوم صالح ودمدم دورهم
لعن الله من يرمي المواشي من يتهم بري
قولوا آمين فان الحق يعلى ولا يعلى عليه